လက်ရှိကျွန်တော်တို့တွေအရမ်းစိတ်ဝင်တစား မျှော်လင့်ချက်ကြီးစွာစောင့်မျှော်နေကြတာက Sir Jim တို့ပါ။ Sir Jim တို့ လုပ်ရမယ့်အလုပ်က အသင်းနည်းပြနဲ့ ကစားသမားကိစ္စတွေပဲ လုပ်ရမှာမဟုတ်ပါဘူး။ပြိုပျက်နေတဲ့ အဆောက်အဦးကြီးတစ်ခု ပျက်စီးနေတဲ့ လူတွေရဲ့စိတ်ဓာတ် ပြန်ရောက်အောင်သွားရမယ့် ကြီးမားတဲ့ ပန်းတိုင် ဒါတွေအားလုံးကို အကောင်းဆုံးလုပ်ဆောင်ရမှာပါ။ ပထမဆုံးတွေ့မြင်နေရတာကတော့ Sir Jim တို့ အောက်ခြေကစပြီး Structure ကို ပြန်တည်ဆောက်နေတာတွေ့ရပါတယ်။ အကြီးပိုင်းတွေကို လူစားလဲတယ်။ ဒါတွေကိုလည်း အခုချိန်ထိ တစ်ပိုင်းတစ်ပိုင်းတော့ ပြီးနေပေမယ့် တစ်ချို့အရေးကြီးတဲ့အပိုင်းတွေတော့ မပြီးမြောက်သေးဘူး။ အဲ့တော့ အဲ့အပိုင်းတွေ အရင်လုပ်နေလို့တောင် မပြီးသေးဘူး အသင်းမှာ နည်းပြရော ကစားသမားတွေရော ချာလပတ်ရမ်းတဲ့အဆင့်ကို ရောက်နေကြတယ်။ အခုချိန် ပရိတ်သတ်တော်တော်များများကလည်း နည်းပြကို အသင်းကထွက်သွားစေချင်နေကြတယ်။ပြောရမယ်ဆိုရင်တော့ ဒီကိစ္စက အရမ်းကြီးရိုးရှင်းမနေဘူး။ပြောရရင် ဇာတ်လမ်းစတင်ရမှာက Dan Ashworth အသင်းကို အမြန်ရောက်လာမှ စရမှာပဲဖြစ်တယ်။ အဓိကကသူပဲ။ Sir Jim တို့ကလည်း နည်းပြနဲ့ ကစားသမားအပြောင်းအလဲတွေကိုလုပ်ဖို့ Dan Ashworth နဲ့ပဲဖြတ်စေချင်တယ်။ လူတွေထင်သလိုပြောင်းပြီး Dan Ashworth နဲ့ လူသစ်တွေ အစီးမကပ်မှာကိုလည်း သူစိုးရိမ်တယ်။ အဲ့တော့ အားလုံးရဲ့ အစက Dan Ashworth အသင်းကိုရောက်လာမှသာ အခြေအနေတွေထူးလောက်မယ်။ ဒါကြောင့် အခုချိန် Ten Hag ထွက်ဖို့ဆိုတာလည်း ရာခိုင်းနှုန်းနည်းသေးတယ်လို့မြင်တယ်။
နောက်တစ်ခုအနေနဲ့ ဟုတ်ပြီ ရလဒ်စုတ်ပြတ်နေလို့ နည်းပြကိုထုတ်လိုက်မယ်။ ဒီကစားသမားတွေတော့ ကျန်ခဲ့မယ်ဆိုရင် ကျိန်းသေပါတယ် ကျွန်တော်တို့ ဒီသံသရာကြီးဆက်လည်မှာပါပဲ။ အဲ့တော့ နည်းပြထုတ်လိုက်ရုံနဲ့မပြီးပါဘူး။ နည်းပြရော တစ်ချို့ ကစားသမားတွေရော အကုန်ရှင်းရပါမယ်။ အဖွဲ့အစည်းတစ်ခု ကျရှုံးရင် ခေါင်းဆောင်က တာဝန်ရှိတယ်ဆိုပေမယ့် ဒါကနောက်လိုက်အားလုံးနဲ့လည်းဆိုင်ပါတယ်။နည်းပြက ကစားကွက်တစ်လွဲကြီးလုပ်ပါဦးတော့။ မကစားတက်တဲ့နေရာကြီးထားပါဦးတော့။ ဥပမာ Lindelof ဘယ်ခြမ်းအဆင်ပြေတာအားလုံးသိပေမယ့် နည်းပြကထားဆော့တယ်။ Lindelof အဲ့ဘက်အခြမ်းကစားတာညံ့ပေမယ့် သူတက်သတော့အားထည့်ဆော့တယ်။ ကစားသမားအားလုံးဒါမျိုးရှိရမယ်။ အခုတစ်ချို့တွေက မကန်တာကို အတင်းထည့်ကန်ခိုင်းထားတဲ့ ရုပ်မျိုးတွေနဲ့ အားမထည့်ပဲ ဝတ်ကျေတန်းကျေဝင်ဆော့နေတာကြတော့ အဆင်မပြေဘူး။ အဲ့တော့ Change ရမှာက နည်းပြတစ်ယောက်တည်းမဟုတ်ဘူး။ အဆင်မပြေတဲ့သူအားလုံးကိုChange ရမယ်။ ပုဂ္ဂိုလ်စွဲတွေ စိတ်မဝင်စားတော့ပါဘူး။ အခုကျွန်တော်ဆို အကြိုက်ဆုံးကစားသမားက Rashford ပဲ။ အခုဒီကောင်ကိုကြည့်ပြီး စိတ်အပျက်ရဆုံးကလည်း ကိုယ်ပဲဖြစ်မယ်ထင်တယ်။ စကားတစ်ခုရှိတယ်။ လူတစ်ယောက်က ကိုယ့်ကိုယ်ကို တော်တယ် တက်တယ် ပညာစုံတယ်လို့ ထင်သွားတဲ့နေ့က အဲ့ဒါကျဆုံးတဲ့နေ့ပဲတဲ့။ အဲ့ဒါ Rashford ကိုပြောတာပဲ။ ပရဟိတလုပ်တာ အင်မတန်ကောင်းပါတယ်။ ဒါပေမယ့် Dr ဘွဲ့ ဂုဏ်ထူးဆောင်ဘွဲ့တွေရသွားတော့ သူလဲ ငါတော့အနေအထားတစ်ခုဖြစ်သွားပြီလို့တွေးမိတယ်ထင်တယ်။ အဲ့အချိန်ပြီးကတည်းက အားထည့်မဆေ့ာတော့တာပဲ။အင်းကျီပေမှာကြောက်လာတယ်။ တစ်ဖက်လူစီကလိုက်လုရင် ကိုယ့်ကိုလိမ်ခေါက်သွားမှာ ရှက်လာတယ်။ မလိုအပ်ပဲ အပင်ပန်းမခံချင်တော့ဘူး။ ဒီလိုစိတ်ရှိသွားတဲ့သူက အဲ့ဒီစိတ်ကိုချိုးပြီး ပြန်တက်လာဖို့က မလွယ်ကူဘူး။ တကယ်တော့ မနှစ်ကဂိုးတွေသွင်းနေလို့သာ အကောင်းဆုံးရာသီလို့သတ်မှတ်ကြတာ။အမှန်တော့ Rashford က Morinho First Season နဲ့ Solskjear First Season တို့မှာ သူအကောင်းဆုံးပဲ။ထားပါတော့ ဒီကောင်ကိစ္စက။ ပြောချင်တာက ဒီတစ်ခါ Sir Jim တို့ စတင်ရမယ့် Project က လုံးဝအသစ်ဖြစ်တယ်။ ကျွန်တော်တို့အတွက်လည်း အသစ်ဖြစ်တယ်။ အဲ့တေ့ာ ရင်ခုန်တယ်။ တစ်ခုတော့နားလည်ထားရမှာက။ချက်ချင်းတော့ လုံးဝဖြစ်လာမှာမဟုတ်ဘူး။ အချိန်ကတော့ ကျွန်တော်တို့ပေးရဦးမယ်။ ဒါပေမယ့် အချိန်ပေးတာနဲ့တန်အောင် အသင်းက ဘယ်ကိုဦးတည်နေသလဲဆိုတဲ့ အရာတော့ ကျွန်တော်တို့ ပရိတ်သတ်တွေမြင်အောင် ပြနိုင်ရမယ်။ အဲ့တော့ အခုချာလပတ်ရမ်းနေတဲ့ ကိစ္စတွေအားလုံးကို Sir Jim တို့ ဘယ်လိုကိုယ်တွယ်သွားမလဲ? လုပ်ဆောင်ချက်တွေ မှန်ကန်မှုရှိမလား? ရင်ခုန်စွာ စောင့်မျှော်နေပါကြောင်း...............
Comments
Post a Comment