ကမ္ဘာ့ဘောလုံးဇာတ်ခုံပေါ်မှာ ရော်နယ်ဒင်ဟိုဆိုတဲ့ မှော်ဆရာတစ်ယောက်ရှိကြောင်း စအသိပေးခဲ့တဲ့ အင်္ဂလန်ကို အသည်းခွဲခဲ့သော အလွတ်တည်ကန်ဘော
သမိုင်းထဲက ဂန္တဝင်ဖရီးကစ်ဂိုးအား အင်္ဂလန်ဘက်သို့ကန်သွင်းခဲ့သည့်ရော်နယ်ဒင်ဟို။
လွန်ခဲ့သော ၁၇ နှစ်... ဘရာဇီးလ်ရဲ့မှော်ဝင်ကစားသမား ရော်နယ်ဒင်ဟိုဟာ ၂၀၀၂ ကမ္ဘာ့ဖလား ကွာတားဖိုင်နယ်တွင် အင်္ဂလန်အသင်းဘက်သို့ လူတွေလုံးဝမမျှော်လင့်တဲ့ မှော်ဆန်တဲ့ဖရီးကစ်ဂိုးအား ကန်သွင်းခဲ့ပြီး လူသန်းပေါင်းများစွာရဲ့နှလုံးသားကိုဖမ်းစားနိုင်ခဲ့ပါတယ်။ အင်္ဂလန်ဂိုးသမား ဒေးဗစ်ဆီးမန်းဟာ ဒီဂိုးသွင်းခံလိုက်ရပြီးနောက် တွေဝေရှုပ်ထွေးသွားဟန်မျိုးဖြစ်သွားခဲ့ပါတယ်။ ဒီလိုဂိုးမျိုးကို ရော်နယ်ဒင်ဟိုဘယ်လိုစဉ်းစားပြီး သွင်းသွားနိုင်ခဲ့တာလဲ? ကမ္ဘာ့ဖလားတွေမှာရော နောက်ထပ်ဒီလိုမျိုးဂိုး ထပ်မြင်နိုင်အုန်းမှာလား? အဲဒီအချိန်တုန်းက ဒီဂိုးနဲ့ပက်သက်ပြီး ငြင်းခုန်ဆွေးနွေးစရာ အများအပြားရှိခဲ့ပါတယ်။
နောက်နှစ်အနည်းငယ်ကြာတော့ ဒီမေးခွန်းတွေဟာ ထပ်မံရှိနေဆဲဖြစ်ခဲ့ပါတယ်။ ရော်နယ်ဒင်ဟိုဟာ တစ်ကယ်ပဲချိန်ရွယ်သွင်းယူခဲတယ်လို့လဲ သင်ထင်ပါသလား? ဂိုးသမား ဆီးမန်းဟာ ရေ်ာနယ်ဒင်ဟို ပြစ်ဒဏ်ဘောအား တိုက်ရိုက်မကန်မီ ကောင်းကောင်းပြင်ဆင်နေခဲ့ပါတယ်။ ဒါပေမယ့် ရော်နယ်ဒင်ဟိုက သူရဲ့နာမည်ကျော်ကြားမူအတွက် ဆီးမန်းကိုကျော်ဖြတ်ပြီး ရယူတည်ဆောက်နိုင်ခဲ့သည်။ သန်းနဲ့ချီပြီး ကြည့်ရူနေကြသော တီဗွီကြည့်ပရိတ်သတ်တွေဟာ ရော်နယ်ဒိုဟိုရဲ့တိုက်ရိုက်ပြစ်ဒဏ်ဘောကန်ချက်ဂိုးဝင်သွားတာကိုမြင်ခဲ့ရပြီးနောက် အိမ်မက်ထဲကိုရောက်သွားသလိုဖြစ်ခဲ့ကြရသည်။ ဒီဂိုးအား ၂၀၀၂ ကမ္ဘာ့ဖလား ကွာတားဖိုင်နယ် ဘရာဇီးလ်နှင့်အင်္ဂလန်တို့ တွေ့ဆုံရင်ဆိုင်ခဲ့စဉ် သွင်းယူခဲ့ခြင်းဖြစ်ပါတယ်။
ပွဲချိန်အတွင်း ၂၃ မိနစ်မှာ မိုက်ကယ်အိုဝင်က အဖွင့်ဂိုးကို အင်္ဂလန်အသင်းအတွက် သွင်းယူပေးနိုင်ခဲ့ပါတယ်။ မိုက်ကယ်အိုဝင်သွင်းယူလိုက်ချိန်မှာတော့ အင်္ဂလန်တစ်နိုင်ငံလုံးအော်ဟစ်သံတွေ ဆူညံသွားခဲ့သည်။ မိုက်ကယ်အိုဝင်က " ကျွန်တော့်ဆရာမကို ယုံကြည်အောင် ကျွနောတ်ပြောခဲ့ပါတယ်။ ကျွန်တော်တို့ အင်္ဂလန်အသင်း ကမ္ဘာ့ဖလားမှာဗိုလ်စွဲဖို့အတွက် သွားနေကြပါပြီ " ဟု အဲဒီအချိန်တုန်းက ပြောခဲ့တယ်လို့ ပြောပြခဲ့သည်။ " ရော်နယ်ဒင်ဟိုကိုပဲ ဒီအတွက် အပြစ်တင်ရမှာပါ " ။ ရီဗယ်ဒိုဟာ ပထမပိုင်းပြီးဆုံးခါနီး ၄၅ မိနစ်တွင် ရော်နယ်ဒင်ဟိုရဲ့ တစ်ကိုယ်တော်အစွမ်းနဲ့ ကွင်းလယ်ကနေ ကျော်ဖြတ်သယ်ဆောင်က ခင်းပေးလိုက်တဲ့ ဘောလုံးအား အဆုံးသတ်ကာ အင်္ဂလန်ရဲ့ အဖွင့်ဂိုးအား ပြန်လည်ချေပနိုင်ခဲ့သည်။ ၅၇ မိနစ်တွင် ရော်နယ်ဒင်ဟိုက ဖရီးကစ်ကနေ တိုက်ရိုက်ကန်သွင်းယူကာ အင်္ဂလန်တို့ရဲ့အိမ်မက်အား ဖျက်ဆီးခဲ့ပါတယ်။
ရော်နယ်ဒင်ဟို ဖရီးကစ်မကန်မီ လူတိုင်းဟာ ဧရိယာအတွင်းသို့ ပေးပို့မည် သို့မဟုတ် အနီးအနားကအသင်းဖော်အား ပေးပို့မည်ဟု ထင်နေခဲ့ကြသည်။ ဒါပေမယ့် မည်သူမျှ မထင်ထားခဲ့တဲ့ ဟာက ဖြစ်ပွားသွားခဲ့ပါတယ်။ အထူးသဖြင့် အာဆင်နယ် ဂိုးသမားဟောင်း ဒေးဗစ်ဆီးမန်းကိုပေါ့။ ဒီဂိုးဟာ အင်္ဂလန်ရဲ့ကမ္ဘာ့ဖလားအိမ်မက်အား ထိခိုက်နာကျင်စေခဲ့သည်။ ရော်နယ်ဒင်ဟိုဟာ ဘရာဇီးလ်ရှေ့တန်းတွင် ရော်နယ်ဒို၊ ရီဗယ်ဒိုတို့နဲ့ ပူးပေါင်းကာ 3R တိုက်စစ်အတွဲကိုတည်ဆောက်ပြီး ၂၀၀၂ ကမ္ဘာ့ဖလားအား ဘရာဇီးလ်အသင်းဗိုလ်စွဲအောင် ကူညီနိုင်ခဲ့သည်။ ရော်နယ်ဒင်ဟိုဟာ အင်္ဂလန်ဘက်သို့ကန်သွင်းခဲ့သည့် ဖရီးကစ်ဟာ တိုက်ရိုက်ချိန်ရွယ်ကန်သွင်းခဲ့တာလား ? ကြက်ကန်းတိုးသွားခဲ့တာလား?
Comments
Post a Comment