ချယ်လ်ဆီးအသင်းမှာခြေစွမ်းပြနိုင်ဖို့ ရုန်းကန်နေရတဲ့မူဒရစ် ကိုခေါဖို့အတည်ပေါက်ကြီး ကြိုးစားနေတဲ့ အာဆင်နယ်၊၊
ချယ်လ်ဆီးအသင်းမှာခြေစွမ်းပြနိုင်ဖို့ ရုန်းကန်နေရတဲ့ မူဒရစ်ကို အာဆင်နယ်ချိတ်ဆက်နေတယ်ဆိုတဲ့သတင်းတွေဟာ ကောလာဟလ တွေ အဖြစ် ကနေ အားကောင်းလာခဲ့ရင်း တဖြည်းဖြည်း ရုပ်လုံးပေါ်လာခဲ့ပါပြီ။
ချယ်လ်ဆီးကို ပေါင် ၈၉ သန်းနဲ့ရောက်လာတဲ့ မူဒရစ် ဟာ အသင်းကိုရောက်ကာစမှာ ပရိသတ်တွေရဲ့အထင်ကြီးမှုကို ရခဲ့သေးပေမယ့် လက်ရှိအချိန်မှာတော့ အရန်ခုံမှာပဲ အချိန်ကုန်နေရတဲ့ အနေအထားပါ။
ချယ်လ်ဆီးအနေနဲ့လည်း ဒီ ၂၂ နှစ်အရွယ်ကစားသမားလေးကို တစ်ရာသီသုံးပြီး ပြန်ရောင်းဖို့ထက် အတွေ့အကြုံရဖို့ အငှားနဲ့စေလွှတ်တဲ့လမ်းကိုပဲ ရွေးချယ်မှာပါ။
ဒါပေမယ့် ပိုချက်တီနိုကတော့ မူဒရစ်နဲ့ပတ်သက်လို့ အကောင်းမြင်တဲ့မှတ်ချက်တွေ ပေးထားပြီး မနေ့ညက ပွဲမှာ သွင်းဂိုးတစ်ဂိုး သွင်းနိုင်ခဲ့တာကလည်း သူ့ကို ယုံကြည်မှုတိုးလာစေခဲ့ပါတယ်။
တစ်ဖက်မှာလည်း အာဆင်နယ်လိုမျိုး မူဒရစ်ကိုစောင့်ကြည့်နေတဲ့အသင်းတစ်သင်းရှိနေပါတယ်။ အဲဒါကတော့ စီးရီးအေကလပ် ဂျုဗင်တပ်စ်အသင်းဖြစ်ပြီိး ချယ်လ်ဆီးအသင်းရဲ့ပွဲစဥ်တွေအထိ ကင်းထောက်စေလွှတ်ထားတယ်လို့တောင် သတင်းထွက်နေတာပါ။
မူဒရစ်အနေနဲ့ ချယ်လ်ဆီးကိုမရောက်ခင် နာရီပိုင်းအလိုမှာ အာဆင်နယ်အသင်းဆီရောက်လုနီးပါးဖြစ်ခဲ့တာ။ အာတီတာက ရှက်တာဒိုးနက်ပွဲတွေအထိ သွားရောက်ပြီး မူဒရစ်ကိုကြည့်ခဲ့ဖူးတာ၊ မူဒရစ်ကိုယ်တိုင်ကလည်း အာဆင်နယ်ပရိသတ်တစ်ယောက်ဖြစ်ခဲ့တာ စတဲ့အချက်တွေက အာဆင်နယ်ဆီ မူဒရစ်ရောက်သွားနိုင်ဖို့ ဖြစ်နိုင်ချေရှိတဲ့အချက်တွေပါပဲ။
ချယ်လ်ဆီးဟာ ကိုင်ဟာဗက်ဇ် ကို အာဆင်နယ်အသင်းဆီရောင်းပြီး ဆက်ဆံရေးတည်ဆောက်ထားနိုင်တာမို့ မူဒရစ်ကိုအငှားနဲ့စေလွှတ်မှုကလည်း ဖြစ်နိုင်ချေများလွန်းတယ်ဆိုတဲ့အကြောင်း သတင်းတွေမှာဖော်ပြနေကြပါတယ်။
Comments
Post a Comment