Labels

Show more

Hi !

မက်ဆီသူ့ထက်သာတာကို ဝန်ခံလိုက်တဲ့ ဟာလန်း

 


ဟာလန်း က မက်ဆီ နဲ့ သူတို့ကြားက နှိုင်းယှဉ်ချက်တွေကို အင်တာဗျူးတစ်ခုမှာ မှတ်ချက်ပေးသွားခဲ့ပြီး မက်ဆီကသာလျှင် အကောင်းဆုံး ကစားသမားဖြစ်တယ်လို့ ဖွင့်ဟလိုက်ပါတယ် ။
ဟာလန်းက မက်ဆီဟာ "အကောင်းဆုံး ကစားသမား" ဖြစ်တယ်လို့ တင်စားခဲ့ပြီး မက်ဆီ နဲ့ ဘယ်သူ့ကိုမှ နှိုင်းယှဉ်တာဟာ တရားမျှတမှု မရှိဘူးလို့ ဆိုပါတယ်။
သူက မက်ဆီကို "ဂြိုလ်သား" လို့‌ တောင် တင်စားခေါ်ခဲ့ ပြီး သာမန်ကစားသမားတွေနဲ့ နှိုင်းယှဉ်ရတာက သူ့အပေါ် မရိုမသေဖြစ်တယ်လို့ လည်း ဆိုပါတယ် ။
ဒီစကားတွေကို ဟာလန်း ဟာ အင်တာဗျူးတစ်ခုမှာ ဖြေကြားခဲ့တာဖြစ်တယ်လို့ နာမည်ကျော် သတင်းထောက် ဖေဘရီဇီရို ရိုမာနိုက ပြောကြားခဲ့ပါတယ် ။ ဘယ် သတင်းဌာန နဲ့ အင်တာဗျုးမှာ ဖြေကြားခဲ့တာလဲဆိုတာကိုတော့ သူက အတိအကျ ဖော်ပြထားခြင်းမရှိခဲ့ပါဘူး။
ဟာလန်း က သူ့ရဲ့ကစားသမားဘ၀မှာ ကောင်းမွန်တဲ့အရာတွေကို ရရှိဖို့မျှော်လင့်ထားပေမယ့် မက်ဆီနဲ့ နှိုင်းယှဉ်ခံရဖို့ တော့ သူက အဆင်မပြေသေးပါဘူး လို့ ဆိုခဲ့တာပါ။ မက်ဆီဟာ သမိုင်းရဲ့ အကြီးကျယ်ဆုံးကစားသမားအဖြစ် ရှိနေတယ်ဆိုတာကို ရှင်းရှင်းလင်းလင်း သူက ပြောကြားခဲ့ပါတယ်။
အင်တာဗျူးဟာ မက်ဆီရဲ့ အရည်အချင်းများနှင့် ပါရမီ အောင်မြင်မှုများအပေါ် ဟာလန်း ရဲ့ လေးစားမှုကို ပြသ နေတာဖြစ်သလို သူ့ကို မက်ဆီနှင့် နှိုင်းယှဉ်ခြင်း မပြုလုပ်ကြဖို့ကိုလည်း ဆိုထားပါသေးတယ် ။
ဟာလန်း က မက်ဆီရဲ့ ကျွမ်းကျင်မှု၊ အမြင်၊ ဆုံးဖြတ်ချက်တွေနဲ့ ဘောလုံးနဲ့ ပက်သက်ပြီး သူလုပ်သမျှဟာ ရယ်စရာကောင်းလောက်အောင် လွယ်ကူ နေတယ်လို့ ဆိုပါတယ်။
မက်ဆီဟာ အမြင့်ဆုံးအဆင့်မှာ ၁၅ နှစ် ကနေ ၂၀ နှစ်အထိ မယုံနိုင်လောက်အောင် ခြေစွမ်း သတမတ်တည်း ရှိနေခဲ့တယ်လို့ လည်း ဟာလန်း က မှတ်ချက်ပြုခဲ့ပါတယ် ။
မက်ဆီလို ထိပ်တန်းကစားသမားတွေနဲ့ နှိုင်းယှဉ်ကြတဲ့အတွက် ဝမ်းသာမိပေမယ့် ဟာလန်းက သူ့ကိုယ်သူ တိုးတက်အောင်နဲ့ မန်စီးတီးကို ဆုဖလားတွေ ဆွတ်ခူးနိုင်အောင် ကူညီပေးဖို့သာ အာရုံစိုက်ထားတယ်လို့ ဆိုပါတယ်။ သူ့ရဲ့ ရည်မှန်းချက်က မက်ဆီနဲ့ လိုက်ပြီး ခြေရာတိုင်းဖို့ မကြိုးစားဘဲ သူ့ကိုယ်ပိုင် ပုံရိပ်ကို ထူထောင်ဖို့လို့လည်း ဆိုထားပါသေးတယ် ။
အသက် 22 နှစ် အရွယ် ဟာလန်း ဟာ ကမ္ဘာ့အကောင်းဆုံးတိုက်စစ်မှူးများထဲက တစ်ဦးဖြစ်နေပါပြီ။ ဒါပေမယ့် မက်ဆီလို အရည်အချင်းနှင့် ဆုဖလား ဆွတ်ခူးနိုင်မှု စံနှုန်းတစ်ခု ကိုတော့ လိုက်မှီဖို့ သူတော်တော်လေး လိုအပ်သေးတယ်ဆိုတာ သူကိုယ်တိုင်ကလည်း သဘောပေါက်ထားပါတယ် ။
မက်ဆီ ကို တစ်ဦးချင်း ဆုတံဆိပ်အပိုင်းမှာ ကျော်ဖြတ်သွားမှာလားဆိုတဲ့ သတင်းထောက်ရဲ့ မေးခွန်းအ‌ပေါ် ဟာလန်း က
" မေးခွန်းကောင်းတစ်ခုပါပဲ ၊ ကျွန်တော်မသိပါဘူး ဒါနဲ့ ပက်သက်ပြီးတော့ , ကျွန်တော့်အထင် မက်ဆီကသာလျှင် အကောင်းဆုံး ကစားသမားတစ်ယောက်ပါ ၊ သူက ကမ္ဘာ့ဖလား ကို ဆွတ်ခူးထားတာလေဗျာ " လို့ ဖြေဆိုခဲ့ပါတယ် ။

 

Comments

Click !

Hey !