ကန်တီဟာ ဘောလုံးမှာ စိတ်သဘောထားအကောင်းဆုံးကစားသမားလို့ မကြာခဏချီးကျူးခံရပါတယ်။ ဒါပေမဲ့ အဲဒါကို သူ့ချဲလ်ဆီးအသင်းဖော်ဟောင်းတွေထဲက တစ်ယောက်ကတော့ သဘောတူဖွယ် မရှိပါဘူး။၃၂ နှစ်အရွယ် ကစားသမားဟာ အင်္ဂါည အာရှချန်ပီယံလိဂ်မှာ ချဲလ်ဆီးအသင်းဖော်ဟောင်း ကူလီဘာလီကို အဝင်ကြမ်းခဲ့မိပါတယ်။
ကန်တီရော ကူလီဘာလီပါ ပြီးခဲ့တဲ့နွေရာသီအပြောင်းအရွှေ့မှာ ချဲလ်ဆီးက ထွက်ပြီး ဆော်ဒီကို ပြောင်းလာခဲ့ကြတာပါ။ အဲဒီနောက် အာရှချန်ပီယံလိဂ် ကွာတားဖိုင်နယ်မှာ အယ်ဟီလယ်နဲ့အယ်အစ်တီဟတ်တို့တွေ့ကြတော့ ပြိုင်ဘက်တွေအဖြစ် ရင်ဆိုင်ခဲ့ကြရပါတယ်။အဲဒီပွဲမှာ ကန်တီရဲ့အစ်တီဟတ်အသင်း ၂-၀ နဲ့ ရှုံးနေချိန် ဒုတိယပိုင်း ၆၆ မိနစ်မှာကန်တီဟာ ကူလီဘာလီရဲ့ခြေထောက်ကို ဝင်နင်းသလို ဖြစ်ခဲ့တာပါ။
အစတုန်းကတော့ ကွင်းလယ်ဒိုင်က အဝါကတ်သာ ပြခဲ့ပေမယ့် VAR ကြည့်ပြီးနောက် ကန်တီကို အနီကတ်ပြောင်းပြလိုက်ပါတယ်။ ကန်တီဟာ ပရီးမီးယားလိဂ်ကစားသမားဘဝမှာ တစ်ခါမှ အနီပြမခံရပေမယ့် ဆော်ဒီရောက်မှ အနီကတ်ထိခဲ့တာပါ။ သူ့ကစားသမားဘဝမှာဆို အနီကတ်ထိတာ ဒါနဲ့မှ ဒုတိယအကြိမ်မြောက် ဖြစ်ပါတယ်။ပထမတစ်ကြိမ်က ပရိုဖြစ်လာပြီး ၂ နှစ်အကြာက ၂၀၁၄ ကပြင်သစ်ကလပ် ကာအန်မှာ ကစားနေတုန်းကပါ။
ဒါတောင် အဲဒီတုန်းက နှစ်ဝါတစ်နီသာ ဖြစ်ပြီး အခုလိုတိုက်ရိုက်အနီကတ်ကတော့ သူ့ကစားသမားဘဝမှာ ပထမဆုံးအကြိမ် ပြခံရတာ ဖြစ်ပါတယ်။
Comments
Post a Comment