တခေတ်တခါက တိုက်စစ်မှူး ဝင်းအောင် ဆိုသည်မှာ..
...
ငွေခေတ် မြန်မာ့ဘောလုံး တိုက်စစ်မှာ သန်းတိုးအောင်-မျိုးလှိုင်ဝင်း နဲ့ ဝင်းအောင် ဆိုတဲ့ တိုက်စစ်အတွဲက လျှမ်းလျှမ်းတောက်ခဲ့တယ်။
ကိုဝင်းအောင်ကတော့အထောင်တိုက်စစ်မှူး စစ်စစ်ဖြစ်ပြီး မြန်မာဘောလုံးသမားတွေထဲမှာ ထူးထူးခြားခြား ခေါင်းတိုက် ကောင်းသူပါ။ ပါဝါပိုင်းနဲ့ တိုးအားလည်း အင်မတန် ကောင်းပါတယ်။
ဒီ အဖြစ်အပျက်ကို ခုချိန်ထိ စလုံးတွေက လင်တန်ဟိုင်းသာ own goal တွေ မသွင်းရင် စင်ကာပူလည်း ဖိုင်နယ်တက်ပြီး ဗိုလ်စွဲနိုင်တယ်လို့ မချိတင်ကဲ ပြောနေကြဆဲပါ။
ကိုဝင်းအောင်ဟာ ထရိန်နင် ခိုပြီး နည်းပြတွေနဲ့ မတည့်ဘူးလို့လည်းနာမည် ကြီးခဲ့ပါသေးတယ်။
ဒီ ကိစ္စကို စာနယ်ဇင်းသမား တစ်ယောက်က လူတွေ့ မေးတော့..
“ အစ်ကို ကျွန်တော့် ခြေထောက် ကြွက်သားတွေကို ကိုင်ကြည့်ဗျာ “
ဆိုပြီး သူ့ရဲ့ ခြေထောက်က တောင့်တင်းသန်မာ တဲ့ ကြွက်သားတွေကိုကိုင်ခိုင်းတယ်.. ပြီးတော့မှ ဆက်ပြောတာက..
“ ကျွန်တော့် ကြွက်သားတွေရဲ့ ကြံ့ခိုင်မှုအရ သူများတွေ ၃ နာရီ ထရိန်နင် ဆင်းဖို့ လိုအပ်ပေမယ့် ကျွန်တော်က ၁ နာရီပဲ လိုချင်လိုမယ်လေ “ တဲ့ ..
ကိုဝင်းအောင်က အဲ့လို ကစားသမားမျိုး။
ကိုဝင်းအောင်မှာ မွေးချင်းညီအစ်ကို စုစုပေါင်းက သူအပါအဝင် ၅ ယောက် ရှိတာကြောင့် ငယ်ငယ်က သူများတွေနဲ့ ဘောလုံးချိန်းကန်ရင် သူတို့ ညီအစ်ကိုက တစ်သင်းဖွဲ့ပြီး ကန်လေ့ ရှိပါတယ်။
နောက်ပိုင်း လက်ရွေးစင် ဖြစ်တဲ့အခါ ထိုစဥ်က ဝင်ငွေအကောင်းဆုံး ဌာန ဖြစ်တဲ့ ကာစတန် (ဘဏ္ဍာအခွန်) မှာ ကန်တာကြောင့် ငွေကြေးအတော်လေး ရွင်ပြီး ဘော်ဒါတွေနဲ့ ဆိုင်ထိုင်ရင် သူပဲ ငွေရှင်းလေ့ ရှိသလို တစ်ဆိုင်ပြီး တစ်ဆိုင် မနားတမ်း ခေါ်ပြီး ညှင်းရင်လည်း လုံးဝ မညိုငြင်တတ်တာကြောင့် ကိုဝင်းအောင်ကို လူချစ်လူခင် ပေါများပါတယ်။
တခါက ထိုင်းမှာ မြန်မာ ဘောလုံးသမားတစ်ယောက်ကို ထိုင်း ၁၀ ယောက်လောက်က ဝိုင်းထိုးတော့ ကိုဝင်းအောင်က ကွင်းထောင့်က ကော်နာ တိုင်ကို ဖြုတ်ပြီးထိုင်း ၁၀ ယောက်ကို ခံချခဲ့တယ်လို့လည်း သတင်း ထွက်ခဲ့ပါသေးတယ်။
နောက်ပိုင်း ကိုသန်းတိုးအောင်၊ ကိုမျိုးလှိုင်ဝင်းတို့ဟာ နည်းပြ ဘဝနဲ့ ဘောလုံးလောကမှာ တွေ့ရပေမယ့် ကိုဝင်းအောင်ကတော့ လူရော သတင်းရော ပျောက်သွားခဲ့တာပါ။
Comments
Post a Comment