တစ်ချိန်တစ်ခါကတော့အင်္ဂလန်ကစားသမားဆိုရင်အရည်အသွေးက သာမန်ပဲ။
နာမည်က ပိုထွက်တယ်။
မီဒီယာတွေကြောင့် ထင်ပေါ်နေတာ ဆိုပြီးမကောင်းမြင်ကြတယ်။
မှန်တော့လည်း မှန်ပါတယ်။
ကောင်းနေတဲ့ အရည်အသွေးကိုမထိန်းနိုင်ဘူး။ ဆိုဒ်ပိကြတယ်။
အခုနောက်ပိုင်းတော်တော်ကွာခြားသွားပြီ။
အင်္ဂလန်ကစားသမားတွေကအရည်အသွေးပိုင်းလည်း ရာနှုန်းပြည့်တယ်။
စိတ်ဓာတ်ပိုင်းလည်း ရင့်ကျက်ကြတယ်။
ဘယ်လင်ဟမ် က အကောင်းဆုံးဉပမာပဲ။
အရှိန်အဝါသိပ်ကြီးပါတယ်ဆိုတဲ့ရီးရဲလ်မက်ဒရစ် ရဲ့ ဒီရာသီဂိုးသွင်းအများဆုံး ကစားသမား။
အသက်ကလည်း ၂၀ နှစ်ပဲရှိသေးတယ်။
စိတ်ဓာတ်ပိုင်း၊ဘောလုံးဉီးနှောက်နဲ့တစ်ဉီးချင်း အကုန် လက်ခံလို့ရတယ်။
မောင်းနှင်အား ပြည့်တဲ့ ကွင်းလယ်လူ။
ပြီးတော့ လက်ရှိဉရောပရဲ့အဆင့်မြင့်ဆုံး ပြိုင်ပွဲ ချန်ပီယံလိဂ်ကို ဉီးဆောင်နေတာ အင်္ဂလန် ကစားသမားတွေ။
ချန်ပီယံလိဂ်ရဲ့ လက်ရှိချန်ပီယံက မန်စီးတီး။ ပရီးမီးယားလိဂ်ကလပ်။
ဒီရာသီလည်း ချန်ပီယံလိဂ်ကို ထပ်ယူနိုင်စွမ်းရှိတယ်။
လက်ရှိ ချန်ပီယံလိဂ်ရဲ့ ဂိုးသွင်းအများဆုံးစာရင်းကို ကြည့်မလား။
ဖန်တီးမှုအများဆုံး ဘယ်သူတွေလဲမမေးနဲ့။
အင်္ဂလန်ကစားသမားတွေပဲ နေရာယူထားတယ်။
ဂိုးသွင်းအများဆုံးစာရင်းမှာ
ဟယ်ရီကိန်း - ၆ ဂိုး
ဟာလန်း - ၆ ဂိုး
အမ်ဘတ်ပီ - ၆ ဂိုး
ဂိုးဖန်တီးမှုအများဆုံးကို တစ်ချက်ကြည့်လိုက်
ဘယ်လင်ဟမ် - ၄ ကြိမ်
ဆာကာ - ၄ ကြိမ်
ဖိုဒန် - ၄ ကြိမ်
ဟယ်ရီကိန်း၊ ဘယ်လင်ဟမ်၊
ဆာကာ၊ ဖိုဒန်
ဒီလေးယောက်ဟာ
လာမယ့် ယူရိုမှာလည်း အင်္ဂလန်တိုက်စစ်ကို ဉီးဆောင်လာမယ့် ကစားသမားတွေ။
ကမ္ဘာ့အဆင့် world class လို့ပြောရင်လည်း မမှားပါဘူး။
အိမ်ကြက် ကိုယ့်အိမ်မှာပဲ ကြမ်းနေတာမဟုတ်ဘူး။
ဟယ်ရီကိန်း ကဘိုင်ယန်၊
ဘယ်လင်ဟမ် က ရီးရဲလ်။
ကျန်တဲ့ ဖိုဒန် နဲ့ ဆာကာ ဆိုရင်လည်း ကြိုက်တဲ့ အသင်းမှာ ကစားနိုင်တဲ့ အနေအထား။
ဒါတွေကြောင့်လည်း ယူရိုမှာ အင်္ဂလန်ကို ချန်ပီယံ ဖြစ်မယ် မှန်းကြတာ။
ဒီတစ်ကြိမ် ယူရိုမှာသာ အင်္ဂလန် ချန်ပီယံမဖြစ်ရင်တော့ ဘယ်တော့မှ မဖြစ်တော့ဘူး။
ဘာပဲဖြစ်ဖြစ် အင်္ဂလန်ကစားသမားလို့ မြင်တာနဲ့ အရင်လို အထင်သေးတာမျိုး မရှိတော့ဘူး။
သွားရှုပ်လို့မရဘူး ဆိုတဲ့အတွေးတွေ ဝင်လာကြပါပြီ။
ဒါမှ တကယ့် အင်္ဂလန်ရဲ့ ရွှေရောင်မျိုးဆက်လို့ ပြောရမှာပါ။
Comments
Post a Comment