အင်္ဂလန်ဘောလုံးသမိုင်းမှာအအောင်မြင်ဆုံးဖြစ်လာတဲ့ လီဗာပူး
=====================================
ပြီးခဲ့တဲ့တနင်္ဂနွေနေ့က ကစားခဲ့တဲ့ ကာရာဘောင်ဖလားဖိုင်နယ်မှာ လီဗားပူးလ်ဟာချဲလ်ဆီးကို ဗန်ဒိုက်ရဲ့နောက်ကျသွင်းဂိုးနဲ့အနိုင်ရပြီး ဆုဖလားရယူနိုင်ခဲ့ပြီဖြစ်ပါတယ် ။ လီဗားပူးလ်ဟာဒီနေ့ပွဲမှာ အဓိက ကစားသမားတစ်ချို့ ဒဏ်ရာရနေတာကြောင့် အရံကစားသမားတွေနဲ့ လူငယ်တွေကို ပွဲထုတ်လာခဲ့တာဖြစ်ပါတယ် ။ ချဲလ်ဆီးကတော့ လူစုံတက်စုံနဲ့ပွဲထွက်လာခဲ့ပြီး ပွဲချိန်အတွင်း နှစ်သင်းစလုံး အပြန်အလှန်ထိုးဖောက်မှုတွေပြုလုပ်နိုင်ခဲ့ပေမယ့် အဆုံးသတ်ညံဖျင်းမှုတွေကြောင့်သွင်းဂိုးတွေတော့ မမြင်တွေ့ခဲ့ရပါဘူး ။ ဒါ့အပြင် ပထမပိုင်းမှာစတာလင်ရဲ့သွင်းဂိုး ၊ ဒုတိယပိုင်းမှာ ဗန်ဒိုက်ရဲ့ခေါင်းတိုက်ဂိုးတွေဟာလည်း VAR ပြန်လည်စစ်ဆေးပြီး လူကျွံဘောအဖြစ်သာသတ်မှတ်ပေးခဲ့တာကြောင့် သာမန်ပွဲကစားချိန် မိနစ် ၉၀ ပြည့်ချိန်မှာ ဂိုးမရှိသရေရလဒ်သာထွက်ပေါ်နေခဲ့ပါတယ်။ လီဗားပူးလ်အတွက် တစ်လုံးတည်းသောအနိုင်ဂိုးကိုတော့ အချိန်ပို ဒုတိယပိုင်း ပွဲချိန်(၁၁၈) မိနစ်မှာ တက်မီကတ်ရဲ့ပေးပို့မှုကနေ ဗန်ဒိုက်က ခေါင်းတိုက်သွင်းယူသွားခဲ့တာဖြစ်ပါတယ် ။ လီဗားပူးလ်ဟာ ကာရာဘောင်ဖလားကိုဆွတ်ခူးနိုင်ခဲ့တာကြောင့် အသင်းရဲ့သမိုင်းတစ်လျှောက်မှာ ပြည်တွင်းအမှတ်ပေးဖလား ၊ ရှုံးထွက်ဖလား ၊ ဥရောပဖလားတွေအပါ ဆုဖလားစုစုပေါင်း ၆၈ လုံးအထိရရှိသွားခဲ့ပြီးဖြစ်ပါတယ် ။
ဒီပွဲမတိုင်ခင်တုန်းက လီဗားပူးလ်ဟာ အခါးသီးဆုံးပြိုင်ဘက် မန်ချက်စတာယူနိုက်တက်နဲ့အတူ ဆုဖလား စုစုပေါင်း ၆၇ လုံးစီးနဲ့တူညီနေခဲ့တာဖြစ်ပါတယ် ။ ဒီနေ့မှာတော့ ကာရာဘောင်ဖလားကို ဆွတ်ခူးရရှိခဲ့တာကြောင့် လီဗားပူးလ်ဟာ ယူနိုက်တက်ကိုကျော်ဖြတ်ပြီး အင်္ဂလန်ဘောလုံးသမိုင်းမှာဆုဖလားအများဆုံးရရှိထားတဲ့အသင်းအဖြစ် မှတ်တမ်း၀င်သွားခဲ့ပြီဖြစ်ပါတယ်။ ဒါကြောင့်လည်း လီဗားပူးလ်ပရိသတ်တွေဟာ ကာရာဘောင်ဖလားဗိုလ်စွဲနိုင်ခဲပြီးနောက် Social Media ကနေယူနိုက်တက်ပရိသတ်တွေကို လေတိုက်ခဲ့ပါသေးတယ် ။ လီဗာပူးလ်နဲ့ ယူနိုက်တက်တို့နောက်မှာတော့ အာဆင်နယ်က ဆုဖလား (၄၉) လုံးနဲ့ ဒုတိယနေရာမှာရပ်တည်နေပြီ သူ့နောက်မှာ ချဲလ်ဆီးနဲ့ မန်စီးတီးက (၃၄) လုံးစီ ၊ တော့တင်ဟမ်က (၂၆) လုံး ၊ ဗီလာက (၂၅) လုံး၊ အဲဗာတန်က (၂၄) လုံးနဲ့ နယူးကားဆယ် ၊ နော်တင်ဟမ်တို့က (၁၃)လုံးစီနဲ့ အစဥ်လိုက်ရပ်တည်နေပါတယ် ။
Comments
Post a Comment