Labels

Show more

Hi !

ရီးရဲလ် ဂန္ထဝင် မူလ နံပါတ် 7

 


တော်ဝင် မက်ဒရစ်ရဲ့ ရာအူးလ်၊၊
90 ဖွား တွေအတွက် တော့ စပိန်နဲ့ ရီးယဲလ်မက်ဒရစ်တိုက်စစ်မှူး ဟောင်း ရာအူးလ်ဂွန်ဇာလက်ဟာ အမှတ်ရစရာပါ။
သူဟာ သူ့ ခေတ်သူ့အခါမှာ အ ကောင်းဆုံး ကစားသမား တွေထဲက တစ် ယောက်ဖြစ်တယ်။ ဆန်ခရစ္စတိုဘယ်ဒီ လော့စ်အိန်ဂျလိစ်မှာ မွေးဖွားခဲ့ပြီး ဒေသတွင်းအသင်း၌ လူငယ်ကစားသမားဘဝ စတင်ခဲ့တယ်။
အဲဒီ နောက် ရီးယဲလ်မက်ဒရစ် အကယ်ဒမီအသင်းဆီ ပြောင်း ရွှေ့ပြီး သက်တမ်းအလိုက်ပြိုင်ပွဲ တွေမှာ ပါဝင်ကစားခဲ့တယ်။ ၁၉၉၄မှာ တော့ စတုတ္ထတန်းကလပ် ရီးယဲလ်မက်ဒရစ် C မှာ စီနီယာကစားသမားဖြစ်လာတယ်။
အချိန်တို လေးအတွင်းမှာပဲ ရီးယဲလ်ပထမအသင်းကြီးဆီ ခုန် ကျော်တက်နိုင်ခဲ့ပါတယ်။ သူဟာ တော်ဝင်ကလပ်မှာ (၁၆)နှစ်ကြာဖြတ်သန်းခဲ့ရာ ပြိုင်ပွဲစုံ (၃၂၃)ဂိုးသွင်းယူပြီး အသင်းသမိုင်းတစ် လျှောက် တတိယ မြောက်သွင်းဂိုးအများဆုံးကစားသမား ဖြစ်သွားပါတယ်။
တဖန် အသင်းရဲ့ ပွဲစဉ်အများဆုံး player အဖြစ် (၇၄၁)ပွဲ ကစား ပေးခဲ့တယ်။ ရာအူးလ်ဟာ ရီးယဲလ်နဲ့အတူ လာလီဂါ (၆)ကြိမ်၊ ချန်ပီယံလိဂ် (၃)ကြိမ်ဆွတ်ခူးခဲ့ရာ UCL ဖိုင်နယ်(၂)ကြိမ်မှာ ဂိုးသွင်းယူနိုင်ခဲ့ပါတယ်။
ထိုနည်းတူ ဥ ရောပစူပါဖလား (၁)ကြိမ်၊ အင်တာကွန်တီနန်တယ်/အခုကမ္ဘာ့ကလပ်ဖလား (၂)ကြိမ်၊ စူပါကိုပါ (၄)ကြိမ် ကိုင် မြှောက်နိုင်ခဲ့ သေးတယ်။ ၂၀၀၃ ခုနှစ်မှာ အသင်း ခေါင်း ဆောင် ဖာနန်ဒိုဟီယာရိုထွက်ခွာသွား တော့ ကပ္ပတိန်အဖြစ် လက်ဆင့်ကမ်းတာဝန်ယူခဲ့ရာ ၂၀၁၀ခုနှစ်အထိပဲ။
အဲဒီနှစ်မှာ ရှော် ကေးဆီ ပြောင်း ရွှေ့ရာ (၂)ရာသီတွင်း ပိုကယ်ဖလားနဲ့ ဂျာမန်စူပါဖလား တွေ သိမ်းပိုက်နိုင်ခဲ့တယ်။
ဂျာမန် မြေကို စွန့်ခွာပြီး နောက်မှာ တော့ အယ်ဆတ်မှာ (၂)ရာသီ၊ နယူး ယောက် ကော့စ်မိုစ်မှာ တစ်ရာသီဖြတ်သန်းကာ ၂၀၁၅ခုနှစ်၌ ကစားသမားဘဝက နေ အနားယူသွားပါတယ်။
လာလီဂါသွင်းဂိုး (၂၂၈)ဂိုးသွင်းယူခဲ့သူရာအူးလ်ဟာ လိဂ်သမိုင်းတစ် လျှောက် (၆) ယောက် မြောက်အများဆုံးပါ။ တဖန် ဘွန်ဒက်စ်လီဂါသွင်းဂိုး (၂၈)ဂိုးရရှိခဲ့တာ ကြောင့် ဥ ရောပအမှတ် ပေးသွင်းဂိုးစုစု ပေါင်း (၂၅၆)ဂိုးရရှိထားရာ စပိန်သား တွေထဲ အများဆုံးပမာဏပါ။ 

 
လာလီဂါပွဲစဉ် တတိယမြောက်အများဆုံး ကစား ပေးထားသူအဖြစ် (၅၅၀)ပွဲ ပွဲထွက်ခဲ့သလို ချန်ပီယံလိဂ်သွင်းဂိုး ပဉ္စမ မြောက်အများဆုံး player အဖြစ် (၇၁)ဂိုးသွင်းယူနိုင်ခဲ့ပါတယ်။
ကစားသမားဘဝတစ် လျှောက် ပွဲစဉ် ပေါင်း(၁၀၀၀)ကစား ခဲ့ရာ သူ့လိုမျိုးစွမ်း ဆောင်နိုင်သူ (၄၄) ယောက်သာရှိပါတယ်။
စပိန်လက် ရွေးစင်အသင်းအတွက် ကိုယ်စားပြု ပေးခဲ့စဉ်က အဓိကဆုဖလားတစ်လုံးမှ မရရှိခဲ့ဖူး ပေမယ့် နိုင်ငံအတွက် (၁၀၂)ပွဲမှာ (၄၄)ဂိုးသွင်းယူနိုင်ခဲ့တာပါ။ သူဟာ နိုင်ငံအသင်းကပ္ပတိန်အဖြစ် ၂၀၀၂ခုနှစ်က စတင်ခဲ့ရာ ၂၀၀၆ခုနှစ်မှာ လက် ရွေးစင်ဘဝကို ကျောခိုင်းခဲ့တယ်။
အသက်(၄၆)နှစ်အရွယ် ရာအူးလ်ဟာ လက်ရှိအချိန်၌ ရီးယဲလ်မက်ဒရစ် အရံအသင်းနည်းပြအဖြစ် တာဝန်ယူ ဆောင်ရွက် နေပါတယ်။

 

Comments

Click !

Hey !