ဒီရာသီ ပရီးမီးယားလိဂ်မှာ VAR ရဲ့ ဆုံးဖြတ်ချက်အမှားတွေကြောင့် ထိခိုက်နစ်နာမှု အများဆုံးခံစားရတာက လီဗာပူးလ်အသင်း ဖြစ်နေ . .

 

ဒီရာသီ ပရီးမီးယားလိဂ်မှာ VAR ရဲ့ ဆုံးဖြတ်ချက်အမှားတွေကြောင့်

ထိခိုက်နစ်နာမှု အများဆုံးအသင်းတွေထဲမှာ လီဗာပူးလ်က ထိပ်ဆုံးဖြစ်နေပြီး အာဆင်နယ်၊ ဝုလ်ဗ်၊ ဘရိုက်တန်တို့လည်း ပါဝင်ခဲ့ပါတယ်။

ပရီးမီးယားလိဂ်မှာ ဒိုင်လူကြီးတွေ အမှားကျူးလွန်တာကို လျှော့ချနိုင်ဖို့ VAR နည်းစနစ်ကို ၂၀၁၉-၂၀ ရာသီကတည်းက စတင်အသုံးပြုနေပေမဲ့ အခုအချိန်အထိ အငြင်းပွားစရာကိစ္စတွေ ဆက်လက်ပေါ်ပေါက်နေဆဲပါပဲ။

ပြီးခဲ့တဲ့ရာသီက VAR ရဲ့ ဆုံးဖြတ်ချက်တွေ မှားယွင်းခဲ့တာက ၂၅ ကြိမ်အထိရှိခဲ့ပြီး ဒီရာသီမှာတော့ အကြိမ် ၂၀ သာရှိပေမဲ့ အဲဒီထဲမှာ ပြီးခဲ့တဲ့စက်တင်ဘာလအတွင်း စပါး-လီဗာပူးလ်ပွဲတုန်းက လူးဝစ်ဒီယက်ဇ်ရဲ့ဂိုးကို လူကျွံဘောအဖြစ် သတ်မှတ်ပေးခဲ့တဲ့ ဆိုးဆိုးရွားရွား ဆုံးဖြတ်ချက်လည်း ပါဝင်ခဲ့ပါတယ်။

VAR နည်းစနစ်က ရာနှုန်းပြည့်ယုံကြည်လို့မရတာ၊ ပွဲအရှိန်ကို ကြန့်ကြာစေတာအပြင် VAR ရဲ့ဆုံးဖြတ်ချက်တချို့ဟာ ပရိသတ်တွေအတွက် မေးခွန်းထုတ်စရာဖြစ်ခဲ့တာကြောင့် ဝေဖန်သံတွေ ထွက်ပေါ်နေဆဲဖြစ်ပါတယ်။

စပါးနဲ့လီဗာပူးလ်ပွဲတုန်းကဆိုရင် လူးဝစ်ဒီယက်ဇ်ရဲ့ ဂိုးက လူမကျွံပေမဲ့လည်း VAR က လူကျွံဘော သတ်မှတ်ခဲ့တာကြောင့် ပြင်းပြင်းထန်ထန် ဝေဖန်ခံရသလို အဲဒီပွဲက VAR ဒိုင်လူကြီးနှစ်ဦးဖြစ်တဲ့ ဒါရင်းအင်္ဂလန်နဲ့

လက်ထောက်ဖြစ်သူ ဒန်ကွတ်ခ်တို့ အရေးယူခံခဲ့ရပါတယ်။

လာမဲ့ရာသီက စတင်ပြီး ပရီးမီးယားလိဂ်ပွဲစဉ်တစ်ပွဲမှာ VAR ရဲ့ ဆုံးဖြတ်ချက်နဲ့ပတ်သက်လို့ ကွင်းလယ်ဒိုင်က ပရိသတ်တွေကို ရှင်းလင်းပြောဆိုတဲ့စနစ် ကျင့်သုံးသွားမှာဖြစ်ပါတယ်။

ဒါပေမဲ့ အခုလောလောဆယ်မှာတော့ VAR ရဲ့ မှားယွင်းတဲ့ ဆုံးဖြတ်ချက်တွေကြောင့်

ခိုက်နစ်နာခဲ့ရတဲ့ အသင်းတွေ အများကြီးရှိနေပြီး လီဗာပူးလ်က ထိပ်ဆုံးဖြစ်ခဲ့ပါတယ်။

လီဗာပူးလ်အသင်းဟာ လူးဝစ်ဒီယက်ဇ်ရဲ့ဂိုးကို ငြင်းဆန်ခံရတာအပါအဝင် VAR ရဲ့ ဆုံးဖြတ်ချက်အမှားတွေကြောင့် နစ်နာခဲ့ရတာက ၄ ကြိမ်အထိရှိခဲ့တယ်လို့ နာမည်ကျော် ESPN သတင်းဌာနက ဖော်ပြခဲ့ပါတယ်။

လီဗာပူးလ်ပြီးရင် ဘရိုက်တန်နဲ့ ဝုလ်ဗ်တို့က ၃ ကြိမ်စီနဲ့ ဒုတိယအများဆုံးဖြစ်နေပြီး အာဆင်နယ်ကတော့ ၂ ကြိမ်နဲ့ တတိယအများဆုံးဖြစ်ပါတယ်။

အာဆင်နယ်အသင်းဟာ VAR ရဲ့အမှားကြောင့် နစ်နာမှုရှိခဲ့သလို VAR ရဲ့ အမှားကနေ အကျိုးကျေးဇူးရတာလည်း ၂ ကြိမ်ရှိခဲ့ပါတယ်။

VAR ရဲ့ ဆုံးဖြတ်ချက်အမှားကြောင့် အကျိုးကျေးဇူးရရှိမှု အများဆုံးက အူနိုင်းအမ်မရီရဲ့ အက်စတွန်ဗီလာအသင်းဖြစ်ပြီး ၃ ကြိမ်အထိရှိခဲ့ပါတယ်။

အဲဒီစာရင်းထဲမှာ အာဆင်နယ်၊ မန်ချက်စတာယူနိုက်တက်နဲ့ နော်တင်ဟမ်ဖော်ရက်စ်တို့က ၂ ကြိမ်စီနဲ့ ပါဝင်ခဲ့ကြပါတယ်။