နယူတန်ဟိဒ် သို့မဟုတ် မန်ချက်စတာယူနိုက်တက်အသင်း ( Newton Heath L&YR Football Club to Manchester United)

 

"နယူတန်ဟိဒ် မှသည် ဘတ်စ်ဘီဘေဘီ

များရဲ့ ဥရောပဖလားကံကြမ္မာ"

-------

အဂ်လန်ရဲ့ အရေးပါတဲ့ စက်မှုမြို့လေးတစ်မြို့၊

ထိုမြို့လေးရဲ့ သံလမ်းတွေကြားကနေ ပေါက်ဖွားလာတဲ့

နယူတန်ဟိဒ်ဆိုတဲ့ ဘောလုံးအသင်းတစ်သင်း၊

စက်မှုမြို့က စက်မှုမြို့သား‌တွေ၊ ဝါစိမ်းရောင် ဝတ်စုံအကြားကို ခပ်မိုက်မိုက်ဝတ်ဆင်ပြီး အဂ်လန်ပြည်တွင်းလိဂ် ကိုဝင်ရောက်ခြေဆန့်ဖို့ကြိုးစားလာခဲ့တာ

ရာစုနှစ် တစ်ခုလောက်ကြာခဲ့ပြီမလား။နယူတန်ဟိဒ်ကို

ကျွန်တော်တို့မိဘတွေ မှီခဲ့မှာမဟုတ်သလို ကျွန်တော်တို့ အဖိုးတွေလည်း မှီခဲ့မှာမဟုတ်ဘူး။နယူတန်ဟိဒ် နဲ့

မွေးဖက်တော် မြန်မာနိုင်ငံသားတွေရှိခဲ့မယ် ဆိုရင်တောင်

ခေတ်အခြေအနေအရ တစ်ရွာနဲ့တစ်ရွာတောင် လက်လှမ်းမှီအုံးမှာ မဟုတ်တဲ့ အချိန်အခါဖြစ်တဲ့အတွက်

နယူတန်ဟိဒ် ရဲ့ အောင်ပွဲ၊ကျရှုံးခြင်းများကို

တော်တော်များများက လက်လှမ်းမှီခဲ့ကြမှာမဟုတ်ပါဘူး။ဒါတွေက အရေးတော့မပါလှဘူးဗျ။နယူတန်ဟိဒ်ဆိုတာ အခြားတော့ မဟုတ်ဘူးဗျ။ကျွန်တော်တို့အားလုံး

ကို အဖွဲ့အစည်းတစ်ခုအဖြစ် ပေါင်းစပ်ပေးထားနိုင်ခဲ့တဲမန်ချက်စတာယူနိုက်တက်အသင်းရဲ့ ခေတ်ဦး အမည်နာမ တစ်ခုပါ။

ကလပ်အသင်း တည်ထောင်သူတွေရဲ့

စက်ရုံတည်ရှိရာနေရာကို အစွဲပြုပြီး နယူတန်ဟိဒ်လို့

ခေတ်ဦးနာမည်ပေးခဲ့ခြင်းဖြစ်ပြီး 1902 ခုနှစ်

အရောက်မှာမှ မန်ချက်စတာယူနိုက်တက်အသင်းဆိုပြီး

ပြောင်းလဲ ခေါ်တွင်စေခဲ့တာပါ။နယူတန်ဟိဒ်ဆိုတဲအမည်နာမအောက်မှာလည်း အသင်းက ခပ်ပိန်းပိန်းတော့မဟုတ်ခဲ့ဘူး ပြည်တွင်း လိဂ်ဖလားတစ်ကြိမ်

အောင်နိုင်ခဲ့ဖူးပါတယ်။မန်ချက်စတာယူနိုက်တက်အသင်းအဖြစ် နာမည်ပြောင်းလဲအပြီး 8နှစ်အကြာ

1910 ခုနှစ်မှာပဲ သူတို့ရဲ့ ကစားပွဲတွေကို ‌နေရာအသစ်တစ်ခုဆီသို့ရွှေ့ပြောင်းခဲ့ပြီး ယနေ့ခေတ်ရဲ့ အိမ်မက်ကဇာတ်ရုံအဖြစ် ခမ်းနားထည်ဝါနေတဲ့ အိုးထရက်ဖို့ဒ်

ကွင်းကြီးအဖြစ် စတင် ပေါ်ပေါက် လာခဲ့ပါတယ်။

အိုးထရက်ဖို့ဒ်ကွင်းထံ ပြောင်းရွှေ့ကစားပြီး 1နှစ်အကြာ 1911ခုနှစ်မှာပဲ ကလပ်အသင်းသမိုင်းတစ်ကြောက် ဒုတိယမြောက်လိဂ် ဖလားကို စွတ်ခူးနိုင်ခဲ့ပါတယ် ကလပ်အသင်းရဲ့ အခြေအနေတွေက မန်ချက်စတာ

ယူနိုက်အဖြစ် အမည်မှည့် ခေါ်ပြီးချိန်မှာတော့ အကျဖက်ကိုတဖြည်းဖြည်း ဦးတည်သွားခဲ့ပါတယ်။

ပထမကမ္ဘာစစ်ပြီးဆုံးချိန်မှာအောင်မြင်မှုမယ်မယ်ရရ ရရှိခဲ့ခြင်းမရှိတော့ပါဘူး။ကံဆိုးမသွားရာ မိုးလိုက်လို့ရွာဆိုသလိုပဲဗြတိန်နဲ့ဂျာမနီတို့ရဲ့ စစ်ပွဲဇာတ်လမ်းက တစ်ခေတ်ပြန်စလာခဲ့ပြီး မန်ချက်စတာမြို့ကြီးလည်း ဂျာမနီတွေရဲ့ ဗုန်းကြဲ တိုက်ခိုက်ခြင်းကိုခံရပါတယ်။အဆိုးဆုံးကတော့ အိုးထရက်ဖို့ဒ်ကွင်းပါ ဗုန်းဒဏ်ခံလိုက်ရခြင်းဖြစ်ပြီး ဘောလုံးပွဲတွေကိုပါ ရပ်နားလိုက်ရပါတယ်။

လှောင်ပြောင်သံတွေနဲ့ ယိုယွင်းပျက်စီးနေတဲ့ အသင်းအတွက် အကြီးမားဆုံး အလှည့်အပြောင်းကတော့

ဒုတိယကမ္ဘာစစ် ပြီးဆုံးချိန်မှာပဲ စတင်လာပါတော့တယ်။ကလပ်အသင်းရဲ့ သမိုင်းတစ ဖြစ်လာတော့မယ့်

နည်းပြတစ်ဦးကို အချိန်မှီပဲ ခန့်အပ်လိုက်ပါတယ်။

အခြားသူတော့မဟုတ်ပါဘူး အဓိကပြိုင်ဖက် လီပါဗူး၊မန်စီးတီးတို့ရဲ့စကော့တလန် လူမျိုးကစားသမားဟောင်း ဆာဘတ်စ်ဘီကို နည်းပြအသစ်အဖြစ်ခန့်အပ်လိုက်တာဖြစ်ပါတယ်။ဆာဘတ်စ်ဘီ ဘေဘီစ်ဆိုတဲ့

အမည်နာမအဖြစ် ကြော်ကြားစေခဲ့ခြင်းကို

အဓိပ္ပာယ်ဖွင့်ဆိုရရင် နည်းပြကြီး ဘတ်စ်ဘီရဲ့အမည်နာမနဲ့ ဘတ်စ်ဘီရဲ့ သားအရင်းတွေလို ချစ်ခင်နှစ်သက်ရတဲ့ လူငယ်ကြယ်ပွင့် ကစားသမားတွေကို

ဘေဘီစ်လို့ အစွဲပြုပြီး ဘတ်စ်ဘီ ဘေဘီစ် အသင်းဆိုပြီး ကျော်ကြားလာခဲ့တာဖြစ်ပါတယ်။နည်းပြကြီး

ဘတ်စ်ဘီတည်ဆောက်ခဲ့တဲ့အသင်းကို အားလုံးမြင်သာအောင်ပြောရမယ်ဆိုရင် ဆာအဲလက်ရဲ့ 99 မျိုးဆက်နဲ့

အခြေခံသဘောတရားခြင်း တူညီနေတယ်လို့ ညွှန်ပြရမှာပါပဲ။လူငယ်တွေရဲ့ လတ်ဆက်မှုတွေ၊ထက်မြတ်မှုတွေနဲ့

ဘတ်စ်ဘီရဲ့ ခေါင်းဆောင်နိုင်စွမ်းတွေအောက်မှာ

အဂ်လန် ဘောလုံးအဖွဲ့ချုပ်ရဲ့ ကန့်ကွက်မှုတွေကို တွန်းလှန်ပြီးတောင် ဥရောပဖလားအတွက် ရဲရဲဝင့်ဝင့်ချီတက်ခဲ့ကြပါတယ်။

ဆာဘတ်စ်ဘီ ဘယ်လောက်အထိ၊ခမ်းနားလည်းဆိုရင် အခြေအနေအမျိုးမျိုးနဲ့ ယိုင်နှဲ့နေတဲအသင်းကို ဥရောပဖလားယှဉ်ပြိုင်ခွင့်ရတဲ့ ပထမဆုံးသော အဂ်လန်ကလပ်ဖြစ်လာစေခဲ့ပါတယ်။ပထမဆုံး ယှဉ်ပြိုင်ခွင့်ရတဲ့ ဥရောပဖလားပြိုင်ပွဲမှာ အဂ်လန်နိုင်ငံကို ကိုယ်စားပြုကစားရင်း ဆီးမီးဖိုင်နယ်အထိ တက်ရောက်နိုင်ခဲ့ပြီး ဆီမီးဖိုင်နိုင်မှာတော့ ရီးရဲမက်ဒရစ်အသင်းကို ရှုံးနိမ့်ပြီး ထွက်ခွာလာရပါတယ်။အရှုံးကို အရှုံးနေရာမှာပဲ ချန်ထားခဲ့ရင်း နောက်ရာသီအရောက် မှာပဲ အဂ်လန်ပြည်တွင်းဆုဖလားကို သိမ်းပိုက်နိုင်ခဲ့ပါတယ်။အရှုံးကနေပြန်ထပြီး လူငယ်တွေနဲ့ ရနိုင်သမျှဆုဖလားတွေ သိမ်းကျုံးယူနိုင်ဖို့ ချီတက်လာနေတဲ့ ဘတ်စ်ဘီဘေ့ဘီ အသင်းဟာ ဥရောပဖလားကို ဒုတိယအကြိမ်ချိန်ရွယ်ဖို့ ယူဂိုဆလားဗီးယားကို ထွက်ခွာလာကြပါတယ်။မပြီးသတ်သေးတဲ့ ဇာတ်လမ်းတစ်ပုဒ် အဆုံးသတ်ဖို့ စိတ်အားထက်သန်နေကြစဉ်မှာပဲ တစ်ချို့ကစားသမားတွေရဲ့ ဘဝကတစ်ခုလုံး အဆုံးသတ်ဖို့ အကြောင်းဖန်လာခဲ့ပါတယ်။

ယူဂိုဆလားဗီးယားကနေ မန်ချက်စတာသို့အပြန် မြူးနစ် လေဆိပ်မှာ ဆီဝင်ဖြည့်ပြီး ပြန်အတက်မှာ မန်ချက်စတာယူနိုက်အသင်းကြီးအတွက်၊အဂ်လန်က ဘောလုံးချစ်မြတ်သူတိုင်းအတွက် ထင်မှတ်ထား‌စရာမရှိလောက်အောင် ကြေကွဲဖွယ်ကောင်းတဲ့ အဖြစ်အပျက်ကြီးက အသက်ဝင်သွားခဲ့ပါတော့တယ်။မန်ချက်စတာယူနိုက်တက်အသင်းရဲ့ ကစားသမားတွေ၊ဝန်ထမ်းတွေ၊နည်းပြတွေလိုက်ပါလာတဲ့ လေယာဉ်ဟာ ရာသီဥတု ဆိုးရွားမှုအကြောင်းဖြင့် ပျက်ကျခဲ့ရပြီး ယူနိုက်တက်အသင်းရဲ့ လတ်ဆက်ပြီး၊ထက်မြက်တဲ့ အရည်အသွေးမြင့်လူငယ်ကစားသမား 23 ယောက် ဆုံးရှုံးလိုက်ရပါတယ်။ထိုအဖြစ်ပျက်ကြီးသာဖြစ်မလာခဲ့ဖူးဆိုရင် ဘတ်စ်ဘီဘေဘီ မျိုးဆက်ရဲ့ အောင်ပွဲတွေကြောင့် ကျွန်တော်တို့သိထားတဲ့ ယူနိုက်တက်အသင်းရဲ့ သမိုင်းကြောင်းက ယခုထက်ပိုပြီး အဆမတန်ကြီးထွားခဲ့မှာပါ။

ဘောလုံးပွဲမကြိုက်တဲ့ သူတစ်ယောက်၊ယူနိုက်တက်ပရိတ်သတ်တစ်ယောက် မဟုတ်သူ သာမန်လူသားတွေကတောင် မန်ချက်စတာယူနိုက်တက်ပွဲကြည့်ခွင့်ရရင် လက်မထောင် ဂုဏ်ယူပြောဆိုရတဲ့ ကာလဖြစ်ခဲ့ပြီး

အဂ်လန်တစ်ခုလုံးရဲ့ ဖူးဖူးမှုတ် ဘောလုံးကလပ်အသင်းတစ်ခုဖြစ်ခဲ့ပါတယ်။1958 ဖေဖော်ဝါရီ 6ရက်နေ့ဆိုတာ

ယူနိုက်တက်အသိုင်းအဝိုင်း တစ်ခုထဲအတွက်မဟုတ်ပဲ

အဂ်လန်ရဲ့ ရွှေရောင်မျိုးဆက်တစ်ခုကို ဆုံးရှုံးလိုက်ရတဲ့

အဂ်လန်တစ်နိုင်ငံလုံးအတွက် အမှောင်အတိဖုံးခဲ့တဲ့နေ့ဖြစ်ပါတယ်။အဆိုပါအဖြစ်ပျက်ကြီးထဲမှာမှ

ယူနိုက်တက်ရဲ့ ‌‌အကြီးကျယ်ခမ်းနားဆုံးကစားသမားတစ်ယောက်ဖြစ်လာပြီး မကြာခင်ကမှ ကွယ်လွန်သွားတဲ့ ဆာဘော်ဘီချာတန်ကတော့ အသက်ဘေးမှ လွတ်မြောက်ခဲ့ပါတယ်။"ငါမှတ်မိသလောက်တော့ ခေါင်းကြီးငုံနေလိုက်တာပဲ၊ပြီးတော့ လေယာဉ်နဲ့ အဝေးတစ်နေရာမှာ ငါပြန်နိုးလာတာပဲ ကျန်တာတွေ မမှတ်မိတော့ဘူး"လို့ ဘော်ဘီချာတန်က အဖြစ်ပျက်ကိုပြောပြခဲ့ဖူးပါတယ်။

ဘော်ဘီလိုပဲ အဖြစ်ပျက်ဆိုးကနေလွတ်မြောက်ခဲ့သူကတော့ ဘတ်စ်ဘီဘေဘီရဲ့ ‌ဖခင်ကြီး ‌ဆာဘတ်စ်ဘီပါ။ဆေးရုံမှာကာလရှည်မေ့မျှောနေခဲ့ပြီး 2လအကြာမှာတော့ တစ်နိုင်ငံလုံးရဲ့ ဆုတောင်းပေးမှုတွေနဲ့အတူ ပြန်လည်နိုးထ လာနိုင်ခဲ့ပါတယ်။အတောက်ပဆုံးလူငယ်မျိုးဆက်တစ်ခုကို အချိန်ခနလေးအတွင်း ဆုံးရှုံးလိုက်

ရပြီးချိန်မှာ မန်ချက်စတာယူနိုက်တက်ဆိုတာလည်း ပြီးဆုံးသွားပြီ၊အနာဂတ်ပျောက်ပြီ၊ကူရာကယ်ရာမရှိတော့ဘူး အကောင်းဆုံးဆိုမှ အကောင်းဆုံးတည်ဆောက်ထားတဲ့အသင်းပြိုပျက်သွားပြီ၊ လူတွေအားလုံးရဲ့စိတ်ထဲမှာ မျှော်လင့်ချက်မရှိ၊အတိုင်းအဆမရှိ ကျဆင်းနေတာ

စိတ်မျက်ရည်စက်တွေအပြည့်နဲ့။အမှောင်အမိုက်ဆုံးအချိန်မှာ အတောက်ပဆုံးသောကြယ်တွေ ပေါ်ထွက်လာတက်တယ်ဆိုတဲ့ စကားအတိုင်းပဲ ဆာဘတ်စ်ဘီတစ်ယောက် ဒုတိယအကြိမ်နိုးထပြီး မန်ချက်စတာယူနိုက်တက် အင်ပါယာကို ဆက်လက်အသွင်းဖို့ တိုင်တည်ခဲ့ပြန်ပါတယ်။

ဒင်းနစ်လောကိုခေါ်တယ်၊ဂျော့ဘတ်ကိုခေါ်တယ်၊ဘော်ဘီချာတန်နဲ့ ပေါင်းလိုက်တယ်။ပြီးတော့ ကမ္ဘာ့အကောင်းဆုံး တိုက်စစ်အတွဲအဖက်အဖြစ် ကြွေးကြော်လိုက်တယ် ။ဘတ်စ်ဘီဘေဘီစ်ဆိုတဲ့ ချစ်ရာကောင်းလှတဲ့ နာမည်ပြောင်ကို မေ့ပစ်ပြီး ပြိုင်ဖက်တိုင်းရဲ့ စိတ်ဓာတ်ကို ဖြိုဖျက်ပစ်ဖို့ သရဲနီဆိုတဲ့ အမည်နာမကို အသက်သွင်းခဲ့တယ်။ရည်ရွယ်ချက်က ရှင်းပါတယ်

ပြိုင်ဖက်တိုင်းကို ကြောက်ရွံ့သွားစေချင်တာပါ။နာမည်အသစ်၊ ကမ္ဘာ့အကောင်းဆုံးအတွဲအဖက်နဲ့အတူ ဖြစ်ရပ်ဆိုးကြီးအပြီး 2နှစ်အကြာမှာတော့ ဘတ်စ်ဘီတစ်ယောက် အတောင့်တဆုံးဖြစ်ခဲ့တဲ့ ဥရောပဖလားကို

စွတ်ခူးနိုင်ခဲ့ပါတယ်။ပေါ်တူဂီကလပ် ဘင်ဖီကာကို 4-1နဲ့အပြတ်ကျဲပြီး အဂ်လန်နိုင်ရဲ့ ပထမဆုံး ဥရောပ ချန်ပီယံအဖြစ်လှလှပပ ဇာတ်သိမ်းနိုင်ခဲ့ပါတယ်။

တစ်သက်တာလုံး trauma ရပြီး ရူးသွပ်သွားနိုင်တဲ့ အဖြစ်အပျက်ကနေ ဥရောပချန်ပီယံအဖြစ်သို့ ရုတ်ချဉ်းပြောင်းလည်းပစ်တာ ဘယ်လောက်တောင် အံ့ဩဖို့ကောင်းလည်း၊ဘယ်လောက်တောင် အတုယူဖို့ကောင်းလည်းဗျာ။အခုဆိုရင် ကျွန်တော်တို့ချစ်တဲ့အသင်းရဲ့ မြူးနစ်ဖြစ်ရပ်ဆိုးကြီးက 66နှစ်ပြည်ခဲ့ပါပြီ။လက်လှမ်းမမှီတဲ့အရာတွေ ဖြစ်သည့်တိုင်အောင် ဒီအဖြစ်ပျက်သာ

မဖြစ်ခဲ့ဖူးဆိုရင် ဆာဘတ်စ်ဘီဦးဆောင်တဲ့ ဘတ်စ်ဘီဘေ့ဘီ အသင်းက ဘောလုံးလောကအပေါ် ဘယ်လောက်အထိ စိုးမိုးထားမလည်းဆိုတာ မတွေးပဲ မနေနိုင်‌တော့ပါဘူး။