မော်ရင်ဟိုဟာ ကြီးကျယ်ခမ်းနားခဲ့တဲ့ သူ့နည်းပြဘဝမှာ ချန်ပီယံလိဂ်အောင်မြင်မှုတွေအပါအဝင်
ဆုဖလားပေါင်းများစွာ ကိုင်မြှောက်နိုင်ခဲ့တာပါ။
ဒါပေမဲ့ ရိုးမားနဲ့အတူ ကွန်ဖရန့်လိဂ်မှာ ဗိုလ်စွဲခဲ့တာက သူ့နည်းပြဘဝရဲ့အကြီးကျယ်ဆုံးအခိုက်အတန့်လို့ ဖွင့်ပြောလိုက်ပါတယ်။
မော်ရင်ဟို ယူပေးခဲ့တဲ့ ကွန်ဖရန့်လိဂ်ဟာ ရိုးမားအသင်းသမိုင်းမှာလည်းပထမဆုံးရခဲ့တဲ့ ဥရောပအောင်မြင်မှုပါ။
အဲဒါကြောင့်လည်း မထင်မှတ်အထုတ်ခံလိုက်ရပေမယ့် ပေါ်တူဂီသားကြီးဟာ
ရိုးမားပရိသတ်တွေရဲ့နှလုံးသားကို သိမ်းပိုက်နိုင်ခဲ့ပါတယ်။
မကြာသေးခင်က ဘောလုံး influener တစ်ယောက်နဲ့ YouTube ပေါ်က အင်တာဗျူးတစ်ခုမှာ
သူ့နည်းပြဘ၀ အကြီးကျယ်ဆုံးအခိုက်အတန့်ကိုမေးတော့ မော်ရင်ဟိုက အခုလို ဖြေခဲ့တာပါ။
”ကျွန်တော်ဖြတ်သန်းခဲ့တဲ့နှစ်တွေမှာ အမှတ်ရစရာအခိုက်အတန့်တွေက အရမ်းကြီးအများကြီးပါ။
လှပတာတွေအများကြီးရှိသလို ရုပ်ဆိုးတာတွေလည်း အများကြီးရှိပါတယ်။
ဒါပေမဲ့ အကြီးကျယ်ဆုံးအခိုက်အတန့်ကို ရွေးရမယ်ဆို နောက်ဆုံးရခဲ့တဲ့အောင်မြင်မှုကိုပဲ
ကျွန်တော်ပြောမှာပါ။ ကျွန်တော်နောက်ဆုံးရခဲ့တဲ့ဆုဖလားပေါ့၊
အဲဒါက ကျွန်တော်ရခဲ့တဲ့အထဲမှာ အရေးပါဆုံးဆုဖလားတော့ မဟုတ်ဘူး။
ဒါပေမဲ့ နောက်ဆုံးရခဲ့တာကြောင့်မဟုတ်ဘဲ အဲဒါက ဆောင်ကျဉ်းပေးတဲ့ ပျော်ရွှင်မှုအတိုင်းအတာကြောင့်ပါ။
အခုချိန်မှာ ရွေးလိုက်တာက အဲဒါပါ”လို့ မော်ရင်ဟို ပြောခဲ့ပါတယ်။
ဒါ့အပြင် မော်ရင်ဟိုက ”ဒါပေမဲ့ ကျွန်တော့်နည်းပြဘဝမှာ ကောင်းမွန်တဲ့အမှတ်ရစရာတွေလည်း
အများကြီးရှိပါတယ်။ အမှတ်ရစရာသိပ်ကောင်းတဲ့ပွဲတွေ အများကြီးပါ။
တစ်ခု၊ နှစ်ခုထဲ ရွေးဖို့က မဖြစ်နိုင်ပါဘူး။ ဆိုးရွားတဲ့အမှတ်ရစရာတွေလည်း ရှိတာပေါ့။
ပင်နယ်တီအဆုံးအဖြတ်နဲ့ရှုံးခဲ့ဲတဲ့ ချန်ပီယံလိဂ်ဆီမီးဖိုင်နယ်နှစ်ခု၊ ဒိုင်ကြောင့်
ကျွန်တော်တို့အနိုင်မရနိုင်ဘဲ ပင်နယ်တီနဲ့ရှုံးခဲ့တဲ့ ယူရိုပါလိဂ်ဗိုလ်လုပွဲတစ်ခု တို့ပါ။
ဒါကြောင့် အဲဒီမှာ ဆိုးဆိုးရွားရွားအမှတ်ရစရာတွေလည်း ပါဝင်ပါတယ်”လို့ ဆက်လက်ပြောကြားခဲ့ပါတယ်။
Comments
Post a Comment