ကစားကွက် တည်ဆောက်မှုဆိုင်ရာ ပြဿနာရပ်များ

 

ရာသီကြိုခြေစမ်းပွဲတွေရဲ့ ရလဒ်တွေ၊ကစားကွက်

တွေကအတည်မှတ်ယူလို့မရပါဘူး။သို့ပေမဲ့ တစ်ဦးချင်းအရည်အသွေးတွေ၊ build up ပိုင်းဆိုင်ရာ နည်းစနစ်

တွေကို နည်းနည်းပါးပါး တီးမိ၊ပုတ်မိ ရှိစေပါတယ်။

ယူနိုက်တက်ရဲ့ build ပိုင်းက အိုနာနာရောက်ရှိလာခြင်းနဲ့အတူ စောင့်ကြည်ချင်စရာကောင်းလာတယ်။

အကောင်းဘက်ကို ဦးတည်ပြီး စောင့်မျှော်နေတဲ့

သူတွေရယ် အဆိုးဘက်ကို ဦးတည်ပြီး ဝေဖန်ဖို့စောင့်နေတဲ့လူတစ်စုရယ်ဆိုပြီး နှစ်မျိုးရှိပါတယ်။အမှန်တကယ်လည်း အသင်းရဲ့ build up system တွေ build up shape တွေကကြည့်ပျော်၊ရှု‌ပျော်ရှိလာပြီး နှစ်ရှည်လများ ပြိုင်ဘက်ရဲ့High pressing အောက်မှာရုန်းကန်နေခြင်းကို သာသာယာယာ တွန်းလှန်လာနိုင်ခဲ့တယ်။

Play from the back ဆိုတဲ့သဘောတရားကိုလက်ကိုင်ထားတဲ့ တန်ဟက်ရဲ့ ideology တွေ အသက်ဝင်လာခဲ့ပြီလို့ ထင်ချင်စရာ ကောင်းခဲ့တယ်။ အဆိုပါ မျှော်လင့်ချက်တွေက ရာသီအလယ်ပိုင်းကို တိုးဝင်လာတဲ့ အချိန်မှာပဲ တစ်ဖြည်းဖြည်းပျောက်ကွယ်လာခဲ့တယ်။Build system က ရာသီအစကလို smooth မဖြစ်တော့ဘူး။ ကန်တင်ပြေးစနစ် လွမ်းမိုးရာ ဆိုးရှားရဲ့ ခေတ် ကိုပြန်ရောက်နေသလို ခံစားလာရတယ်။

ယူနိုက်တက်ရဲ့ Build up ဆိုတဲ့ကစားကွက်တည်ဆောက်မှု အပိုင်းဘာကြောင့် ယိုယွင်း လာလည်း၊ဘာတွေမှားနေလည်းဆိုတဲ့ အတွေးတွေ တွေးမိလာစေတယ်။

အန်ဒရီအိုနာနာရဲ့ ball distribution အဆင့်အတန်းက

ယူနိုက်တက်ကို မရောက်ခင်အချိန်ကတည်းက word wild Top 5 level ရှိတဲ့ဂိုးသမားပါ။ ဂိုးပေါက် ကာကွယ်

မှုအပိုင်း မှာလည်းအဆင့်အတန်း တစ်ခုမှာရှိတဲ့ ကစားသမားပါ။ ဒါဆိုရင် အိုနာနာ ကိုဘာကြောင့်

ခေါ်ယူခဲ့တာလည်းဆိုတာအသိသာပါတယ်။

အသင်းမှာဆယ်စုနှစ် တစ်ခုလောက်ကစားခဲ့တဲ့ Legend တစ်ယောက်ကို လမ်းခွဲပြီး အိုနာနာ ကိုခေါ်ယူခဲ့တာက ကစားကွက် တည်ဆောင်မှုအပိုင်းတွေမှာ ဂိုးသမားတစ်ယောက်ဆီက ရသင့်ရထိုက်တဲ့ အရည်အသွေးတွေ

ရနိုင်သမျှရဖို့ပါ။

ရာသီအစနဲ့ ခြေစမ်းပွဲအချို့မှာ modern ဂိုးသမားတစ်ယောက်ရဲ့အကျိုးသက်ရောက်မှု အရိပ်ရောင်တွေ မြင်ခဲ့ရပါသေးတယ်။အသင်းရလဒ်တွေ တစ်ဖြည်းဖြည်းနဲ့ ယိမ်းယိုင်လာသလို အိုနာနာကိုယ်တိုင်ကလည်း ဂိုးပေါက်ကာကွယ်မှု အပိုင်းတွေ အားနည်းလာပြီး ဘောလုံးပေးပို့မှု မှားယွင်းချက်တွေပါ မြင်လာရပါတယ်။ဒါတွေက အချိန်တန်ရင် ပြန်လာနိုင်မှာပဲ ဆိုပြီး လျစ်လျူရှု ထားလို့ ရကောင်း ရပါလိမ့်မယ်။

အဓိက အကြောင်းပြချက် အနေနဲ့ ခေါ်ယူခဲ့တဲ့ build up ပိုင်းမှာ အိုနာနာ ရဲ့အခန်းကဏ္ဍ တွေက တစ်ဖြည်းဖြည်း လျော့နည်းလာတယ်။ ဒါမှ modern keeper ကွလို့ဟစ်ကြွေးစရာ အခိုက်အတန့်တွေ နည်းလာတယ်။ ကစားကွက်တည်ဆောက်မှု အပိုင်းမှာလည်း ခံစစ်ကစားသမားတွေကနေ အဓိကထားတည်ဆောက်နေတာတွေမြင်လာရတယ်။ sweep လုပ်တဲ့ အခိုက်အတန့်တွေမှာ‌တော့ မဆိုးဘူးလို့‌ ပြောလို့ရတယ်။ cross claiming တွေနည်းလာတယ်။ off the ball အခိုက်အတန့်တွေမှာနေရာယူပုံတွေက ဧရိယာဝန်းကျင်ကနေ ရှေ့မရောက်တော့ဘူး။

နည်းပြရဲ့ ညွှန်ကြားချက် ကြောင့်လား

သူကိုယ်တိုင်ရဲ့ ယုံကြည်မှု ကျဆင်းလာခြင်း ကြောင့်ပဲလားမသိ line breaking pass တွေ ပေးပို့ ဖို့ထက်

မရေရာတဲ့ အဝေးဘောကန်တင်ပေးမှုတွေများလာတယ်။ဘောလုံးဆုံးရှုံးမှုတွေ များလာတယ်။‌ ဘောလုံးဆုံးရှုံး

မှုက တိုက်စစ်ကစားသမားတွေရဲ့ အမြင့်ဘောအနည်းချက်နဲ့လည်း တစ်စိတ်တစ်ပိုင်းသက်ဆိုင်ပါတယ်။

အမြင့်ဘော အားနည်းချက်ရှိနေတဲ့ တိုက်စစ်ပိုင်းကိုအဝေးဘောတွေကန်တင်ပြီး တိုက်စစ် စတင်ဖို့ ကြိုးစားနေတာတွေက အဓိပ္ပာယ်မရှိသလိုပဲ။နောက်ပိုင်းပွဲတွေ

မှာပြိုင်ဘက်ကို ထိန်းချုပ်နိုင်ခြင်းမရှိပဲ build up ပိုင်းမှာရုန်းကန်နေရခြင်းက အိုနာနာဆီက build up ပိုင်းအတွက် ထိုက်သင့်တဲ့ အကူညီ မရတော့တာလည်းအဓိကနေရာက ပါဝင်တယ်။

ယူနိုက်တက်ရဲ့ကွင်းလယ်ပိုင်းက ရာသီအစမှာ လူစာရင်းအရ balance ဆိုတဲ့ ညီမျှမှုမရှိတဲ့ အတွက် ပရိတ်သတ်တွေကြား စိုးရိမ်ရေ မြင့်တက်ခဲ့ပါတယ်။ အဲရစ်တန်ဟက်လည်း ကွင်းလယ်ပိုင်း လိုအပ်ချက်ကို ကောင်းကောင်းကြီးခံစားမိတဲ့အတွက် ကွင်းလယ်ကစားသမားတစ်ယောက် အပူတပြင်း ခေါ်ယူဖို့ကြိုးစားခဲ့တာပါ။ FFP အရှုပ်အထွေးတွေကြောင့် ပေါင်သန်း ၃၀ မကြော်တဲ့

အမ်မရာဘတ်ကိုတောင် အငှားနဲ့သာခေါ်ယူလိုက်ရပါတယ်။တစ်ဖက်ကကြည့်မယ်ဆိုရင် FFP ကိုတောင်ကျေးဇူးတင် သင့်ပါတယ်။

အမ်မရာဘတ်ကိုပရိတ်သတ်တွေအပြင်၊အဲရစ်တန်ဟက်လည်း အမျှော်လင့်တကြီးမျှော်လင့်ပြီးခေါ်ယူခဲ့တာဖြစ်ပေမဲ့ စွမ်းဆောင်ရည်က သာမာန်ထက် မပိုခဲ့ပါဘူး။

ပွဲကစားချိန်နည်းပါးတဲ့ အပြင် နေရာမှန်မဟုတ်တဲ့

Left back နေရာမှာ အချိန်တစ်ခုကြာ ကစားခဲ့ရတာလည်း ထည့်တွက်ရပါမယ်။ first build up ကို ကောင်းကောင်းနားလည်ပြီး ကွင်းလယ်ပိုင်းရဲ့

tempo setting ကို control လုပ်နိုင်တဲ့ ကစားသမားတစ်ယောက် အပူတပြင်းလိုအပ်နေတဲ့ ယူနိုက်တက် အတွက်တော့ အဆိုပါဆင်ခြေတွေကအသုံးမဝင်ပါဘူး။သေချာတာကတော့ အားလုံးမျှော်လင့်ထားတဲ့

မော်ရိုကန် သားကြီးလည်း ယူနိုက်ရဲ့ build up ကို တစ်ဆင့်မြင့်အောင်မကူညီမပေးနိုင်ခဲ့ပါဘူး။

အမ်မရာဘတ် ထင်သလောက် စွမ်းဆောင်မပြနိုင်ခြင်းက ယူနိုက်တက်တို့ရဲ့ build up ပိုင်း မျှော်လင့်သလောက်ဖြစ်မလာခြင်းရဲ့ အချက်တစ်ချက်ပါ။

ဒါ့အပြင် ကွင်းလယ်ကစားသမားတွေရဲ့ press resistance ကင်းမဲ့မှုနဲ့ ball carrying အားနည်းချက်တွေကလည်း build up ပိုင်းကိုဆိုးသထက် ဆိုးလာစေပါတယ်။ဒီနေရာမှာ ကတ်စမဲရိုးထက်စာရင် အမ်မရာဘတ်ရဲ့ စွမ်း‌ဆောင်ရည် တွေက build up ပိုင်းမှာ အကူအညီ ပိုရတယ် ဆိုပေအုံးတော့ အသင်းကြီးတစ်သင်း ဒါမှမဟုတ် သာမန်ဘောလုံးအသင်းတစ်သင်းတွက်တောင် လုံလောက်မှုမရှိပါဘူး။မလိုလားအပ်တဲ့ progressive pass တွေအတွက်ကတ်စမဲရိုးက risk ယူလွန်းပြီး၊

အမ်မရာဘတ်ကတော့ဘောလုံးပေးပို့မှုတစ်ကြိမ်လုပ်ဖို့ ဒါမှမဟုတ် ball carrying လုပ်ဖို့ကို အချိန်တွေ

အကြာကြီး တွေဝေတုန့်စိုင်း နေတက်ပါတယ်။

ကတ်စမဲရိုးရဲ့ ball playing အားနည်းချက်ကတော့ အထူးတစ်လည် ထောက်ပြစရာမလိုပဲ ရီရဲမက်ဒရစ်မှာကတည်းက မြင်ခဲ့ရပြီးပါပြီ။မိုဒရစ်၊တိုနီခရူးတို့လို

World class playmaker တွေကြောင့်သာ ပြဿနာမဟုတ်ခဲ့တာပါ။ယူနိုက်တက်မှာတော့ ရီရဲမက်ဒရစ်

မှာလို မဟုတ်ပဲ အသင်းရဲ့ကွင်းလယ်ပိုင်း တာဝန်တွေ ပိုပြီး လက်ခံယူရပါတယ်။တွဲဖက်ကစားသမားက

အဲရစ်ဆင် ဖြစ်နေတဲ့အတွက် အနည်းငယ်အဆင်ပြေခဲ့ပေမဲ့ အဲရစ်ဆင်ရဲ့အားနည်းချက်‌တွေကို လိုက်လံ cover နေရတဲ့အတွက်နဂိုမူရင်း ball playing အားနည်းတဲ့ ကတ်စမဲရိုး တစ်ယောက် build up အတွက် အကူညီပေးနိုင်မှုတွေ မရှိသလောက် ကင်းမဲ့သွားစေတဲ့အပြင် defense action တွေမှာပါ အားလျော့လာခဲ့တယ်။

box moment ကလွဲရင် ကွင်းလယ် ကစားသမားတစ်ယောက်မှာ ရှိသင့်ရှိထိုက်တဲ့ အရည်အသွေးတွေ ကင်းမဲ့နေတဲ့ မက်တော်မီနေး ကတော့ ထည့်ပြီးစဉ်းစားဖို့တောင်မလိုပါဘူး။ဒါပေမဲ့ တန်ဟက် တစ်ယောက်ကတော့

မက်တော်မီနေး ဂိုးတွေတစ်ဒိုင်းဒိုင်းသွင်း အပြီးမှာပဲ lucky moment‌ တွေအတွက်နဲ့ မက်တော်မီနေးကို အားကိုးလာပါတယ် ။

မေဆင်မောင့် ဆိုရင်လည်းဘာကိစ္စ၊ဘာအကြောင်းရင်းတွေဖြစ်နေလည်းမသိပေမဲ့ပွဲကစားချိန်အတော်လေးနည်းလာပါတယ်။ တွဲဖက် ပါတနာကြောင့် balance ဖြစ်တဲ့

အဲရစ်ဆင်ကို ရွေးချယ်ရတယ်ဆိုပေအုံးတော့

အမ်မရာဘတ်-မောင့် အတွဲကို စမ်းမသုံးကြည့်တာ

ကနည်းနည်း‌ တော့ကြောင်တောင်တောင်နိုင်ပါတယ်။

box moment ကလွဲရင် aggressive, defense action, pressing,on the ball ,link up ‌play အကုန်လုံးမှာ

မေဆင်မောင့်ကိုဖယ်ထားအုံး၊ဟန်နီဘယ်မက်ဘရီ တောင်မှပဲ မက်တော်မီနေး ထက်ပိုကောင်းတဲ့ စွမ်း‌ဆောင်ရည်တွေပြသနိုင်ပါတယ်။

အဲရစ်ဆင် ဝင်လာပြီးတဲ့အချိန်တွေမှာပွဲကိုပိုမိုထိန်းချုပ်ကစားနိုင်ခဲ့တာ ဒုတိယပိုင်းဖြစ်နေတာနဲ့ မဆိုင်သလို တိုက်ဆိုင်မှုလည်း မဟုတ်ဘူး။ အဲရစ်ဆင် လိုကစားသမားမျိုးက ဘယ်အချိန်မှာကစားအားတင်ရမယ် ဘယ်ချိန်မှာကစားအားချပေးရမလည်းဆိုတဲ့ tempo setting ကိုကောင်းကောင်းနားလည်ပါတယ်။ဒါတောင် အဲရစ်ဆင်က world class controller မဟုတ်သေးဘူး။အသက်အရွယ်ရယ်၊အတွေ့အကြုံရယ်၊ဘောလုံးပေးပိူ့မှုအဆင့်အတန်းရယ်ပေါင်းစပ်သွားလို့သာ ဒီအချိန်မှာဒီနေရာမှာကစားနေနိုင်ခြင်းဖြစ်တယ်။ဒါပေမဲ့ ရေရှည်ခရီးဆက်ဖို့ဆိုရင် အဲရစ်ဆင် ထပ် မေဆင်မောင့်ကို ပိုပြီး

ပွဲထွက်ကစားစေတာက ကစားသမားအသစ်တစ်‌ ယောက်အသားကျနိုင်ဖို့အတွက် မှန်ကန်တဲ့ဆုံးဖြတ်ချက်ဖြစ်မှာပါ။

ဂိုးသမား နဲ့ ကွင်းလယ်ပိုင်းရဲ့အားနည်းချက်တွေကြောင့်

ကစားကွက်တည်ဆောက်မှုအပိုင်းကို ထိခိုက်စေနိုင်ခြင်းကို အနည်းငယ်တော့ တီးမိ၊ပုတ်မိ ရှိခဲ့ကြမှာပါ။