ညက ဂျာမနီမှာ ကစားတဲ့ပွဲမှာ ရီးရဲလ်မက်ဒရစ် ကောင်းသလားလို့ မေးလာရင် အရမ်းကြီးမကောင်းဘူး ဖြေရမယ်။ လိုက်ပ်ဇစ်ကတောင်တိုက်စစ် ပိုကစားနိုင်တယ်လို့ ခံစားရတဲ့ အချိန်တွေ ရှိတာ အမှန်ပဲ။ ဒါဆို တစ်ခု ပြန်မေးကြည့်ရမယ်။ ဖိကစားနိုင်တမ်း နိုင်ကြေးလား။ နိုင်အောင် ကစားတတ်မှ နိုင်တာ မဟုတ်ဘူးလား။
ချန်ပီယံလိဂ်မှာ ၂ ကျော့ကစားတယ် ဆိုတာ အိမ်ကွင်း အဝေးကွင်း အားသာချက် ရစေချင်လို့ပါ။ အိမ်ရှင် အသင်းက အိမ်ကွင်းမှာ ဖိကစားတာ သဘာဝပဲ။ အိမ်ကွင်းမှာမှ တိုက်စစ် မဆင်ရင် ဘယ်အချိန် တိုက်စစ်ဆင်မှာလဲ။ အဲဒိ သဘောပဲလေ။ လိုက်ပ်ဇစ် တိုက်နေတာပဲ။ ပွဲစစချင်း ရတဲ့ဂိုးကို ဒိုင်က မပေးဘူးဆိုတာက
လိုက်ပ်ဇစ် ကစားသမား တစ်ယောက်ကရီးရဲလ် ဂိုးသမားကို သွားထိတယ်၊ အနှောင့်အယှက် ပေးတယ်လို့ ဒိုင်က သတ်မှတ်တယ်။ အဲဒိ ဆုံးဖြတ်ချက်က တရားတယ်၊ မတရားဘူးဆိုတာကလည်း ၅၀ - ၅၀ အနေအထားမှာပဲရှိတယ်။
ကစားပုံကို ဆက်ပြောရရင် နှစ်သင်းစလုံး တိုက်စစ် ဆင်တယ်၊ ထိထိမိမိ လုပ်နိုင်တာ အများကြီးမရှိဘူး။ လိုက်ပ်ဇစ် Shots on Target ၉ ကြိမ်ရတာ အမှန်ပဲ။ ဒါပေမဲ့ အများစုက ပင်နယ်တီဧရိယာ စည်းနားကနေ အပြင်းကန်သွင်းနေတာ။ရီးရဲလ် ဂိုးသမား လူနင် မပြောနဲ့၊ အိုနာနာတောင်ရင်ခုန်မှာ မဟုတ်ဘူး။ လိုက်ပ်ဇစ် အခွင့်အရေးပိုရတာတော့ အမှန်ပဲ။ တချို့ကန်ချက်တွေဆိုရင်ဂိုးပေါက်သာ တည့်ပါစေ၊ ဂိုးကို ဂိုးမယ့်ဟာတွေ
ရှိတယ်။ အဲလိုဟာမျိုးကျတော့ ဂိုးပေါက် မတည့်ပြန်ဘူး။ ရီးရဲလ်က ကန်ခွင့် နည်းနည်းပဲ ရတယ်။
ဗီနီဆီးရက်စ်လည်း တစ်ကိုယ်တော် အကွက်တွေပဲ များနေတယ်။ ကစားပုံ အရ ကြည့်ရင် လိုက်ပ်
ဇစ် သာတာ အမှန်ပဲ။
ဒါပေမဲ့ ရီးရဲလ်ဟာ အဝေးကွင်းမှာ တိုက်စစ်ထက် ခံစစ်ကို ပိုအလေးပေးခဲ့တာရော မဖြစ်နိုင်ဘူးလား။ သူတို့မှာ ဘယ်လင်ဟမ်တို့၊ ရူဒီဂါတို့မပါလို့ ခံစစ် အသားပေးတာလည်း ဖြစ်ကောင်းဖြစ်နိုင်ပါတယ်။ တချိန်လုံး တိုက်နေမယ့် အစားအထနှေးနေတဲ့ ပွဲအစတွေမှာ တိုက်မယ်၊ ပြီးရင်ခံစစ်ကို နည်းနည်း ပြန်လုပ်မယ်။ ပိုင်တော့မှ
ထပ်သွားမယ် ဆိုတဲ့ အတွေးရော မရှိနိုင်ဘူးလား။
ဒုတိယပိုင်း အစမှာ ဂိုးရပေမယ့် ရီးရဲလ်က ခံစစ်ကို ဖင်ထိုင် ကစားတာ မဟုတ်ပါဘူး။ တိုက်နေတာပဲ။ ဂိုးရမလို ဖြစ်ခဲ့တာပဲလေ။
အဆုံးသတ် ပြောရရင် ကစားတာတော့ နှစ်သင်းစလုံး သာမန်ပဲ။ လိုက်ပ်ဇစ် တိုက်စစ် ပိုဆင်နိုင်ပေမယ့် မထိရောက်တာ များတယ်။ ရီးရဲလ် အတွက်ကတော့ အခု အဝးကွင်း နိုင်ပွဲဟာ ကျေနပ်စရာကောင်းတာ အမှန်ပဲ။
Comments
Post a Comment