အာဆင်နယ် ကွင်းလယ်လူ ဒီကလန်ရိုက်စ်ရဲ့ ကွင်းလယ်ပိုင်းအပေါ် ထိန်းချုပ် ကစားပုံကို ကို မြင်ရတာ ယုံတောင် မယုံနိုင်ဘူးလို့ မန်ယူနောက်ခံလူဟောင်း ဂယ်ရီနဗီးလ်က ပြော ပါတယ်။ အသက် ၂၅ နှစ်အရွယ် ရိုက်စ်ဟာ ပြီးခဲ့တဲ့ တနင်္ဂနွေနေ့မှာ အသင်းဟောင်း ဝက်စ်ဟမ်းကို ရင်ဆိုင်ခဲ့ပြီး ဖန်တီးမှု ၂ ကြိမ်နဲ့ ကိုယ်တိုင်လည်း တစ်ဂိုး သွင်းနိုင်ခဲ့ပါတယ်။ ဒီအတွက် အာဆင်နယ်ဟာ ပွဲအပြီးမှာ လန်ဒန်ပြိုင်ဘက် ဝက်စ်ဟမ်းကို ၆ ဂိုးပြတ် အနိုင် ရပြီး ပေးဂိုးလည်း တစ်ဂိုးမှ မပေးခဲ့ရပါဘူး။ အင်္ဂလန်လက်ရွေးစင် ရိုက်စ်ဟာ ဒီရာသီမှာ အာဆင်နယ်အတွက် တစ်မူထူးခြားတဲ့ စွမ်းဆောင်ရည်ကို ပွဲတိုင်း လုပ်ပြနေတဲ့ ကစား သမားဖြစ်ပြီး ပြိုင်ပွဲစုံ ၃၃ ပွဲမှာ ၄ ဂိုး သွင်းနိုင်ခဲ့သလို ဖန်တီးမှု ၅ ကြိမ် လုပ်ပေးထားပါ တယ်။ ဒီအတွက် အာဆင်နယ် အသင်းရဲ့ ကွင်းလယ်ကိုလည်း ထိန်းချုပ်ထားပြီး တွဲဖက် ကစားသမားဖြစ်တဲ့ ဂျော်ဂျင်ဟိုကိုလည်း လုပ်ပိုင်ခွင့်တွေ အများကြီး ပေးနေတဲ့သူဖြစ် တယ်လို့ ဂယ်ရီနဗီးလ်က ဆိုပါတယ်။ ဒါကြောင့် ဒီကလန်ရိုက်စ်ကို မြင်ရတာ ပြိုင်ဘက် ဟောင်းကြီး ဗီအဲရာကို ပြန်ပြီး မြင်နေရသလိုပဲလို့ အင်္ဂလန် ဂယ်ရီနဗီးလ်က ပြောပါတယ်။ ‘‘ပွဲကြီးပွဲကောင်းတွေဆိုရင် ဂျော်ဂျင်ဟိုကို အေးအေးဆေးဆေး ကစားလို့ရအောင် လုပ်ပေးတာမျိုး ဖြစ်တယ်။ ဂျော်ဂျင်ဟို မလုပ်နိုင်တဲ့ဟာတွေကို သူ (ရိုက်စ်)က လိုက်ဖြည့် ပြီး လုပ်ပေးနိုင်တဲ့ ခြေထောက်တွေရှိတယ်။ ပြီးခဲ့တဲ့ ဘောလုံးရာသီတုန်းကဆိုရင် ဂျောင် ဂျင်ဟို ကစားတာ နှေးတိ နှေးကွေးဖြစ်နေတဲ့ ပွဲတွေ တော်တော်များများ ရှိပါတယ်။ ရိုက်စ် နဲ့အတူဆိုရင်တော့ ဘာမဆို လုပ်နိုင်တယ်ဆိုတာမျိုးကို ဖြစ်သွားတာပဲ။ ဗီအဲရာက အာ ဆင်နယ်အတွက် အဲဒီလိုမျိုးကို နှစ်ပေါင်း အကြာကြီး ရှိပေးခဲ့တာ။ ကွင်းလယ်ကို ခြုံပြီး တော့ လိုက်ကစားပစ်တာမျိုးနဲ့ ရှိခဲ့တာ။ သူတို့ လုပ်ပြနေကြတာတွေကို မြင်နေရတာဟာ မယုံနိုင်စရာ ကောင်းလိုက်တာ’’ လို့ ဂယ်ရီနဗီးလ်က Sky Sport ရဲ့ ရုပ်သံအစီအစဉ်မှာ ပြောသွားခဲ့တာပါ။ ပြင်သစ်လက်ရွေးစင်ဟောင်းဖြစ်တဲ့ ပက်ထရစ် ဗီအဲရာဟာ အာဆင် နယ်အသင်းခေါင်းဆောင်ဟောင်း ဖြစ်သလို ပရီးမီးယားလိဂ်ရဲ့ သမိုင်းတစ်လျှောက် အခမ်းနားဆုံး ကစားသမားတွေထဲက တစ်ယောက်အဖြစ် သတ်မှတ်ခံခဲ့ရသူပါ။ ပြင်သစ် သားဟာ လန်ဒန်ကလပ်နဲ့အတူ ကာလရှည် လက်တွဲခဲ့ပြီး အာဆင်နယ်အတွက် ၄၀၅ ပွဲ အထိ ကစားခဲ့သလို တစ်ရာသီလုံး ရှုံးပွဲမရှိ ချန်ပီယံဖြစ်ခဲ့တဲ့ အာဆင်နယ်ကိုလည်း အဓိက ဦးဆောင်ခဲ့သူဖြစ်ပါတယ်။
Comments
Post a Comment