Mirror ရဲ့ ဖော်ပြချက်အရ အာဆင်နယ် အသင်းဟာ ဆာကာ ရဲ့ နေရာကို ဖာတေး နိုင်အောင် ၊ ဆာကာ နဲ့လည်း နေရာ ယှဉ်လှ နိုင်မယ့် တောင်ပံ ကစားသမား တစ်ဦး ကို ခေါ်ယူချင် နေပြီး နီကို ဝီလီယံ ကို မျက်စိ ကျနေတာ ဖြစ်ပါတယ် ။ အာဆင်နယ် အသင်း ကင်းထောက်တွေဟာ အသက် ၂၁ နှစ် အရွယ် နီကို ဝီလီယံ ရဲ့ ခြေစွမ်းကို စောင့်ကြည့် ကင်းထောက်မှုတွေတောင် ပြုလုပ်ခဲ့တယ်လို့ သိရပါတယ် ။
အာဆင်နယ် အသင်းဟာ အရင်တုန်းက တောင်ပံ ပစ်မှတ် ဖြစ်တဲ့ ပက်ဒရို နက်တို ထက်တောင် နီကို ဝီလီယံ ကို သဘောကျနေတာပါ ။ အာတီတာ ဟာ နီကို ဝီလီယံ ကို ခေါ်ယူဖို့ အတွက် အန်ကီးတီးယား နှင့် စမစ်ရိုးလ် တို့ကို ရောင်းထုတ် သွားဖွယ် ရှိတယ်လို့ Mirror က ဆိုပါတယ် ။
နီကို ဝီလီယံ ဟာ ဒီရာသီမှာ ဘီလ်ဘာအို အသင်း အတွက် သုံးဂိုး သွင်း ၊ ခြောက်ဂိုး ဖန်တီး ပေးထားပြီး လ လီဂါမှာ သူ့ထက် အောင်မြင်တဲ့ လိမ်ခေါက် ကျော်ဖြတ်မှု များတဲ့ ကစားသမား ဆိုလို့ ဗင်နီးရှပ် တစ်ဦးသာ ရှိပါတယ် ။
စပိန် လက်ရွေးစင် နီကိုဝီလီယံ ဟာ ပြီးခဲ့တဲ့နှစ်ကမှ ဘီလ်ဘာအို အသင်း နဲ့ စာချုပ် သက်တမ်းတိုးထားသူ ဖြစ်စာချုပ် ဖျက်သိမ်းကြေး ယူရို သန်း ၅၀ နဲ့ ခေါ်ယူ နိုင်မှာ ဖြစ်ပါတယ် ။ နီကို ဝီလီယံ ကို ခေါ်ယူချင်နေတဲ့ အသင်းတွေထဲမှာ အာဆင်နယ် အသင်း အပြင် ရီးရဲလ်မက်ဒရစ် ၊ အက်စတန်ဗီလာ ၊ လီဗာပူး တို့လည်း ပါဝင် နေပါတယ် ။
Comments
Post a Comment