ပီအက်စ်ဂျီတိုက်စစ်မှူး ကီလီယန် အမ်ဘာပေဟာ အခု ဘောလုံးရာသီကုန်တာနဲ့ ရီးရဲလ် မက်ဒရစ်အသင်းဆီကို ပြောင်းမယ်လို့ သတင်းထွက်ထားတာတော့ကြာပါပြီ။ ဒါပေမဲ့လည်း ဒီသတင်းက ကောလာဟလ အဆင့်မှာပဲ ရပ်နေပြီး ကာယကံရှင်တွေကိုယ် တိုင်က အတိအလင်း ထုတ်ပြောတာမျိုး လုံး၀ မရှိသေးပါဘူး။ အမ်ဘာပေဆိုတဲ့ တိုက်စစ် မှူးဟာ လက်ရှိ ကမ္ဘာ့ဘောလုံး ဇာတ်ခုံပေါ်က အကောင်းဆုံး တိုက်စစ်မှူးဖြစ်သလို တန် ကြေးလည်း အမြင့်ဆုံး ကစားသမားဖြစ်ပြီး ပီအက်စ်ဂျီ ဥက္ကဋ္ဌလို့တောင် အခေါ်ခံရတဲ့ ပလေယာဖြစ်ပါတယ်။
ပဲရစ်ကလပ်နဲ့အတူ ခရီးမဆက်ချင်တော့တဲ့ အမ်ဘာပေဟာ ရီးရဲလ်ကို ပြောင်းဖို့ ဆန္ဒရှိပေမဲ့လည်း စပိန်ထိပ်သီးကလပ်ရဲ့ မက်လောက်စရာ ကမ်းလှမ်း မှုမျိုး မရတာကြောင့် အဆင်မပြေတာမျိုးရှိတယ်လို့ The Athletic သတင်းဝက်ဘ်ဆိုက် ကလည်း သတင်းတင်ထားပါတယ်။ ပြင်သစ်သားဟာ မင်းညီမင်းသားတို့ရဲ့ ဥယျာဉ်တော် ကို မိုနာကိုကနေ ပြောင်းရွှေ့ကြေး ယူရို သန်း ၁၄၀ နဲ့ ရောက်လာခဲ့တဲ့ ကစားသမားဖြစ်ပြီး တစ်နှစ်လုပ် ခလစာ ယူရို ၂၆ သန်း ရခဲ့ပါတယ်။ ဒါပေမဲ့ လက်ရှိမှတော့ သူ့ရဲ့ လုပ်ခလစာက အရမ်းကို မြင့်နေပြီး တစ်နှစ်ကို ယူရို ၇၅ သန်းအထိ ရနေပါတယ်။ အဲဒါက ဆုကြေး မပါသေးဘူး။ နောက်ပြီး အသင်းနဲ့ သက်တမ်းတိုး စာချုပ် တစ်ခါ ချုပ်တိုင်းလည်း စာချုပ် လက်မှတ်ထိုး ဆုကြေးဆိုပြီး ယူရို သန်း ၁၃၀ ထပ်ရပါတယ်။ ဒါ့အပြင် အသင်းမှာ ကာလရှည် ဆက်ရှိ နေပေးမယ်ဆိုရင် စာချုပ်ပါအချက်အလက်အရ သစ္စာစောင့်သိကြေးဆိုပြီး ယူရို သန်း ၁၀၀ ကျော် ထပ်ရမယ့် ကိစ္စကလည်း ရှိပါတယ်။ ဒီအတွက် ဥရောပ ဘောလုံးဇာတ်ခုံပေါ် မှာ ငွေကြေးနဲ့ ပတ်သက်လာရင်တော့ အမ်ဘာပေလောက် ဆရာကျတဲ့ ဘောလုံးသမား မရှိဘူးဆိုတာ သိသာနေပါပြီ။
စပိန်ထိပ်သီးဖြစ်တဲ့ ရီးရဲလ်ဟာ အသက် ၂၅ နှစ်အရွယ် ပြင်သစ်သားကို ရဖို့အတွက် သူ့အသက်ရဲ့ ထက်ဝက်ကျော် နီးပါးလောက် အချိန်ပေးခဲ့ တာပါ။ လူငယ် ကစားသမားဘဝမှာကတည်းက ဘာနေဗျူးဆီခေါ်ပြီး ယူ-၁၂ အသင်းနဲ့ တွဲကစားခိုင်းတာတွေ၊ အသင်းရဲ့ လေ့ကျင့်ကွင်းဆီ အလည်လာခိုင်းတာမျိုးတွေနဲ့ ပုံစံ မျိုးစုံ မက်လုံးပေးခဲ့တာပါ။ ဒါပေမဲ့ အဓိက အချက်ဖြစ်နေတဲ့ ငွေကြေးကိုတော့ အဖြူရောင် တော်ဝင်အသင်းက မက်လုံး မပေးနိုင်ခဲ့ပါဘူး။ ဒါကြောင့်လည်း ပြင်သစ်သားက ပဲရစ်မှာ ပဲ ဆက်ရှိနေတာပါ။ ဒီနေရာမှာ အမ်ဘာပေအနေနဲ့ ရီးရဲလ်ကို ရောက်လာဖို့အတွက် တစ်ခုတည်းသော အချက်ကတော့ ကစားသမားကိုယ်တိုင်က ငွေကြေး အကျိုးခံစားခွင့် ကို မကြည့်ဘဲ ရီးရဲလ်မှာ ကစားဖို့ စိတ်ဆန္ဒတစ်ခုတည်းကိုပဲ ရှေ့တန်းတင်ရဖို့ပဲ ဖြစ်နေ ပါတော့တယ်။
Comments
Post a Comment