ဆာအဲလက်စ် ဖာဂူဆန်က တော့တင်ဟမ်အသင်းဟာ ဒီရာသီမှာ ပရီးမီးယားလိဂ် ချန်ပီယံ လုံးဝ မဖြစ်နိုင်ကြောင်းပြောကြား
မန်ချက်စတာ ယူနိုက်တက် အသင်း ရဲ့ ဂန္တဝင် နည်းပြကြီး ဆာအဲလက်စ် ဖာဂူဆန် ဟာ ဒီတစ်ပတ်မှာ Newsbury Racecourse ကို လာရောက် ခဲ့ပြီး တော့တင်ဟမ် နဲ့ ပတ်သက်တဲ့ မေးခွန်းကို ပြတ်ပြတ်သားသား ဖြေဆို သွားခဲ့ပါတယ် ။
တော့တင်ဟမ် အသင်းဟာ မနေ့က ကစားခဲ့တဲ့ ပွဲမှာ ဘရိုက်တန် အသင်းကို နှစ်ဂိုး တစ်ဂိုး နဲ့ အနိုင် ရသွားခဲ့ပြီး အဆင့် ၄ နေရာကို ယာယီ ရောက်ရှိ လာခဲ့ပါတယ် ။ ဒီရာသီမှာ တော့တင်ဟမ် အသင်းဟာ နည်းပြ ပိုစတီကိုဂလူး လက်အောက် ပုံစံပြောင်း သွားခဲ့ပြီး ထိပ်သီး အသင်းတွေနဲ့ ပြန်လည် ယှဉ်ပြိုင် နိုင်တဲ့ အနေအထားကို ရောက်ရှိ လာခဲ့တာပါ ။
ဖာဂူဆန် ကတော့ တော့တင်ဟမ် အသင်းဟာ မန်စီးတီး အသင်း နှင့် လီဗာပူး အသင်းကို ယှဉ်နိုင်ဖို့ အဝေးကြီး လိုအပ်နေသေးပြီး ပရီးမီးယားလိဂ် ချန်ပီယံ ဘယ်တော့မှ မဖြစ်နိုင်ကြောင်း ပြောဆို သွားခဲ့ပါတယ် ။ တော့တင်ဟမ် အသင်း အမှတ်ပေး ချန်ပီယံ ဖြစ်ခဲ့တဲ့ နှစ်ဟာ ၁၉၆၁ ခုနှစ်တုန်းက ဖြစ်ပြီး ခုဆို နှစ်ပေါင်း ၆၀ ကျော် ရှိသွားခဲ့ပြီ ဖြစ်ပါတယ် ။
Sky Sports က Matt Chapman က ဖာဂူဆန် ကို တော့တင်ဟမ် အသင်း ပရီးမီးယားလိဂ် ချန်ပီယံဆုကို ရယူ နိုင်မှာလား လို့ မေးမြန်းရာ ဖာဂူဆန် က ရယ်မောပြီး ” မရနိုင်ပါဘူး ၊ သူတို့ နောက်ဆုံး ရခဲ့တာက ၆၁ ခုနှစ်တုန်းကပါ ၊ အတော်လေး ကြာနေပါပြီ ၊ ဒီနေ့ခေတ် ပြိုင်ဘက် အသင်းတွေက လီဗာပူး ၊ မန်စီးတီး တို့လို အင်အားကြီး အသင်းတွေပါ ၊ ယူနိုက်တက် တောင် မနည်း ယှဉ်ပြိုင် အသင်းတွေပေါ့ဗျာ ။ ”
တော့တင်ဟမ် က ခုချိန်မှာ မန်ယူနိုက်တက် ထက် ချန်ပီယံ ဖြစ်နိုင်ချေ ပိုရှိသလား လို့ မေးမြန်းရာ ဖာဂူဆန် က ” မရှိပါဘူး ။ သူတို့ အတွက် အခွင့်အရေး ကို မရှိတာပါ ။ ” လို့ ပြန်လည် ဖြေကြား သွားခဲ့ပါတယ် ။
Comments
Post a Comment