ဗီလာအသင်းအတွက်လည်း ချန်ပီယံလိဂ် ဝင်ခွင့်နေရာကို ဆက်လက် ထိန်းသိမ်းထားနိုင်ရေး အလွန်အရေးပါခဲ့တဲ့ ပွဲစဉ်ဖြစ်ခဲ့ပါတယ်။ပထမအကြော့က အိုးထရက်ဖို့ဒ်မြေမှာ ဂါနာချို၊ဟွိုင့်လန်းတို့ရဲ့ သွင်းဂိုးတွေနဲ့ come back အနိုင်ရထားပေမဲ့ ဒီနေ့ပွဲစဉ်မှာလည်း လူအများစုက ဗီလာအသင်းကိုသာ အပေါ်အသင်းသဘောမျိုးသတ်မှတ်ထားခဲ့ပါတယ်။လက်ရှိရပ်တည်ချက်၊လက်ရှိခြေစွမ်းအရ ဗီလာအသင်းက ပိုကောင်းနေတဲ့ အသင်းဆိုတာ ငြင်းလို့မရပေမဲ့ ကစားကွက်ပိုင်းထက် ရလဒ်ပိုင်းကို ဦးတည်သွားနေတဲ့ အဲရစ်တန်ဟက်ရဲ့ နည်းဗျူဟာကလည်း တော်ရုံအသင်းတွေကို ဒုက္ခကောင်းကောင်းပေးနိုင်တယ်ဆိုတာ ထပ်မံ သက်သေပြသွားပါတယ်။
အူနိုင်းအမ်မရီအနေနဲ့ အိုးထရက်ဖို့ဒ်ကွင်းမှာ ခံလိုက်ရတဲ့ အမှားတွေကနေ သင်ခန်းစာယူဖို့ ကြိုးစားခဲ့တာကို
မြင်ရပါတယ်။တစ်ပွဲလုံးထိန်းချုပ်ပြီး တိုက်စစ်ဆင်ဖို့ကြိုးစားတာထပ် ယူနိုက်တက် အသင်းရဲ့ နေရာလွတ်တွေကို သေချာသုံးသပ်ပြီး တန်ပြန်တိုက်စစ်တွေကနေ ထိုးနှက်ဖို့ ကြိုးစားခဲ့တာတွေ့ရပါတယ်။
ယူနိုက်တက်အသင်းအားသန်တဲ့ counter transition တွေကိုလည်း သတိထားထိန်းချုပ်ဖို့ ကြိုးစားခဲ့တာတွေ့ရပါတယ်။အထူးသဖြင့် ဘယ်တောင်ပံက မားကပ်ရက်ဖို့ဒ်ရဲ့ တိုက်ရိုက်ဆန်တဲ့ ချိန်းခြောက်မှုတွေကို ဟန့်တားဖို့
လူအားဖြင့်ဖြစ်စေ၊ လူကျွံထောင်ခြောက်ဖမ်းပီးတော့ ဖြစ်စေ ထိန်းချုပ်ခဲ့ပါတယ်။အလုပ်ဖြစ်ခဲ့တယ်လို့ပြောလို့ရပေမဲ့ မားကပ်ရက်ဖို့ဒ်ရဲ့ လုပ်နိုင်စွမ်း ကျဆင်းနေခြင်းကိုတော့ ထည့်တွက်ရပါမယ်။မားကပ်ရက်ဖို့ဒ်အနေနဲ့ တစ်ချို့သောအချိန်တွေမှာ အတိုးအလှုပ်တွေ အနော်လေးသေသပ်ပေမဲ့ အဆုံးသတ် ဘောလုံးပေးပို့မှုနဲ့
ဆုံးဖြတ်ချက်တွေမှာ လိုအပ်ချက်ရှိနေဆဲပါ။ဒါပေမဲ့လည်း တိုက်စစ် တတန်းလုံးရဲ့ အန္တရာယ်အရှိဆုံး ကစားသမားတစ်ယောက်ဖြစ်ခဲ့ပါတယ်။လုရှော ဒဏ်ရာကြောင့်ထွက်ခွာခဲ့ရတဲ့ ဒုတိယပိုင်းမှာတော့ မားကပ်ရက်ဖို့ဒ် အနေနဲ့ ဘောလုံးကို နောက်ထိ ဆင်းယူရတာမျိုးတွေ ကြုံခဲ့ရပြီး ကစားအားလည်း ပထမပိုင်းကထပ် ကျဆင်းသွားပါတယ်။
သွင်းဂိုးတွေ၊ဂိုးဖန်တီးမှုတွေ ရရှိနေပေမဲ့
ဂါနာချိုရဲ့ ကစားပုံကို အားမလို အားမရဖြစ်ခဲ့ရတာ
ကြာပါပြီ။စတင်ပွဲထွက်ချိန်တုန်းက ဂါနာချိုလို dribble တွေ သေသပ်မှုမရှိ၊ဘောလုံး အပျက်များနေတဲ့ ဂါနာချိုကို နောက်ပိုင်းမှာ တွေ့လာရပါတယ်။ဒါတွေကို သွင်းဂိုးတွေရဲ့ impact နဲ့ ဖုံးဖိထားနိုင်ခဲ့တယ်ပြောရမယ်။ဒီနေ့ပွဲစဉ်မှာတော့ ဂါနာချိုနဲ့တူနဲ့ ဂါနာချိုကို ပြန်မြင်လာရတယ်
ကစားပုံက အတော်လေးသေသပ်ပြီး အားရစရာကောင်းလာတယ်၊ဘောလုံးနဲ့အတူ ဆွဲပြေးတာတွေ ပိုပြီးသေသပ်လာတာတွေ့ရတယ်။အဆုံးသတ် ဂိုးပေါက် ကန်သွင်းမှု အပိုင်းတော့လို အပ်ချက်တွေများနေဆဲပါ။ဘောလုံးနဲ့အတူ ဆွဲပြေးမှုရော၊ ဂိုးပေါက်ကန်သွင်းမှုမှာပါ တိုးတက်လာမယ်ဆိုရင် ဂါနာချိုရဲ့ ကစားပုံက အတော်လေး ကြောက်စရာကောင်းလာမှာပါ။
တန်ပြန်တိုက်စစ် အားပြိုင်တဲ့ ပွဲစဉ်မှာ ပိုပြီးအားရစရာကောင်းတဲ့ တန်ပြန်တိုက်စစ် အခင်းအကျင်းတွေကို
ဗီလာအသင်းဆီကနေ မြင်ရတယ်။ပထမ အစောပိုင်းပွဲကစားချိန်တွေမှာ ဗီလာအသင်းရဲ့ တိုက်စစ်က လုပ်သလောက် မဖြစ်တာမျိုးတွေကြုံရတယ်။တောင်ပံတွေကနေ အဓိက ထိုးဖောက်ခဲ့ပေမဲ့ ယူနိုက်တက်အသင်းရဲ့
ဒီနေ့ပွဲ ခံစစ်ကစားဟန်ကြောင့် ထိုးဖောက်ရမလွယ်ခဲ့ဘူး။ခံစစ်ကနေ တိုက်စစ်ကို သေသေသပ်သပ်တည်ဆောက်လာနိုင်ပေမဲ့ ယူနိုက်တက်ရဲ့ ဧရိယာ box ထဲကို တိုးဝင်ဖို့ခက်ခဲနေပြီး ဧရိယာအပြင်နားလောက်မှာပဲ တိုက်စစ်က မကြာခန တန့်သွားခဲ့တယ်။ဒါကို ကောင်းကောင်း သဘောပေါက်သွားခဲ့တဲ့ အူနိုင်းအမ်မရီတစ်ယောက် တောင်ပံတွေကို အတွင်းကို ပိုမိုဝင်ရောက်ကစားစေပြီး မိန်နူးနဲ့ ကတ်စမဲရိုးတို့ရဲ့ အထနှေးမှုကို
အခွင့်ကောင်းယူပြီး အလယ်ကြောကနေ progressive run တွေနဲ့ တောက်လျောက် ဖိအားပေးခဲ့ပါတယ်။
ကိုဘီမိန်နူးရဲ့နေရာယူပုံလိုအပ်ချက်၊ကတ်စမဲရိုးရဲ့
နှေးကွေးလာမှုတွေက ဗီလာအသင်းရဲ့ တိုက်စစ်လမ်းကြောင်းအပြောင်းအလဲကို အထောက်အပံ့ဖြစ်သွားစေခဲ့ပါတယ်။အဆိုပါ လမ်းကြောင်းကနေ ဗီလာအသင်းအနေနဲ့ အခွင့်ရေးများစွာရရှိခဲ့ပေမဲ့ ပိုင်ပိုင်နိုင်နိုင်ကြီး
ကန်သွင်းခွင့်ရတဲ့ အခွင့်ရေးမျိုးကိုတော့ ရရှိခဲ့ခြင်း
မရှိပါဘူး။အထူးသဖြင့် ဒါလော့၊မက်ဂွိုင်းယား၊ဗာရန်း၊
လုရှော တို့ရဲ့ ပိတ်ဆို့ကစားဟန်က ဒီနေ့ပွဲစဉ်ရဲ့ အကောင်းဆုံး အစိတ်အပိုင်းဖြစ်ခဲ့ပြီး ဧရိယာ box ထဲမှာ နေရာ လွတ် နည်းနိုင်သမျှ နည်းအောင် ကစားသွားကြတာ အတော်လေး အားရဖို့ကောင်းပါတယ်။ပုံမှန်ခွင့်ပြုနေကြသွင်းဂိုးတွေမှာဆိုရင် လူကပ်ကစားပုံညံ့တဲ့ အပြင်
ပိတ်ဆို့ဖို့ တွေဝေနေတာကြောင့် ဂိုးပေးရတက်ပေမဲ့ ဒီနေ့ပွဲစဉ်မှာတော့ လူကပ်ကစားပုံအားနည်းသည့်တိုင်အောင် ပိတ်ဆို့ကစားပုံ ကောင်းမွန်တဲ့အတွက် ခွင့်ပြုရမယ့် သွင်းဂိုးအရည်အတွက်နည်းခဲ့ပါတယ်။
လုရှောဒဏ်ရာ ရရှိသွားခဲ့တဲ့ ဒုတိယပိုင်းမှာတော့ ယူနိုက်တက်အသင်းရဲ့ တိုက်စစ်ကစားပုံက အားရစရာမရှိတော့ပါဘူး။ဒီနေ့ပွဲစဉ်မှာ အနိုင်ရရှိသွားလို့ မေ့ထားလို့ရပေမဲ့
လီဆန်ဒရိုနဲ့ရှော နှစ်ယောက်လုံး ပါဝင်ကစားနိုင်ခြင်း မရှိတဲ့အချိန်မှာ အသင်းရဲ့ ကစားကွက်တည်ဆောက်မှုတွေ၊ကွင်းလယ်ကစားသမားတွေအပေါ် ထောက်ပံ့ပေးနိုင်စွမ်းတွေက သိသိသာသာလျော့ကျလာတော့မှာဖြစ်ပြီး
တက်ရိပ်ပြနေတဲ့ အသင်းအတွက် အတော်လေးစိုးရိမ်စရာကောင်းပါတယ်။အထူးသဖြင့် အခွင့်ရေးဖန်တီးမှုလမ်းကြောင်းတစ်ခုလို့ သတ်မှတ်လို့ရတဲ့ ဘရူနိုဖာနန်ဒက်လည်း ခြေစွမ်းကျဆင်းနေချိန်ဖြစ်တဲ့အတွက်
အသင်းရဲ့ တိုက်စစ်ပိုင်း ဟန်ချက်ကို ဆက်ထိန်းထားဖို့ တန်ဟက်တစ်ယောက်အဖြေထုတ်ရပါမယ်။ဒီနေ့ပွဲစဉ်ရဲ့
အကောင်းဆုံးကစားသမားကတော့ လှပသေသပ်တဲ့ ဖြတ်တင်ဘောကို မေ့ထားမယ် ဆိုရင်တောင်
တစ်ပွဲလုံး လုံခြုံစိတ်ချရမှု ပေးစွမ်းခဲ့တဲ့ ဒါလော့ပဲ ရရှိသင့်ပါတယ်။တစ်ဦးချင်းရင်ဆိုင် ဟန့်တားပုံတွေမှာ
ဒါလော့ရဲ့ တိုးတက်လာခြင်းက ကျေနပ်စရာကောင်းလှပါတယ်။ဒါလော့လိုပဲ နောက်ထပ် ဂုဏ်ပြုပေးရမယ့် ကစားသမားက အိုနာနာဖြစ်ပြီး အတော်လေး အရေးပါတဲ့ ကာကွယ်မှုတွေနဲ့ ကူညီနိုင်ခဲ့ပါတယ်။အခြားသော ကစားသမားတွေမှာတော့ ပြောစရာများများစားစားမရှိပါဘူး။
Credit
Comments
Post a Comment